من للفين وثلاثه الى للفين وتسعه=وانا انا وانتي مثل ماكنتي يا منيره
حب وغلا زايد شوق ابرك حب وابرك جمعه=وابرك ليالي ربي يوم سيَرتي يا منيره
جيتي من صالي الشوق وجيتش من صالي وجعه=عقب الغياب اللي طال ليه الجفاء يا منيره

اكتب وتقرا ريشة العود كتبي=بيتٍ قديم اردَده لا تضايقت
اقوم اجر الصوت وكلٍ فطن بي=هذي هي الحاله ترى كل ماشتقت

ياعرب ليت اقدر أغير من بعض الطبوع=واغير ضيقتن لا جات مقدر احلها
انا شكيت من همن لا ظما ولا هو بجوع=وعلى غير ربي نفسي ما أبين ذلها
زبدة كلامي والزبده إلصافي الموضوع=بتبطي الضيقه اللي عند ربي حلها

تعبت ادور في ذا الزمن لي (خل).. و..(صديق)=ولا لقيت الا معارف (كذب)..و..(مصلحه)
يالله دخيلك ماقدرت الاقي لي رفيق=ولَا الاقي لي خلٍ مايستاهل أجرحه
بعض البشر ما يميز زفيره والشهيق=كل شخص يواجهه كل يومٍ يفرحه
اعيش في غربة الحظ عايش بليا طريق=يالله ياربي عفوك وكل ذنبٍ تصفحه

تقول لي عايدني واقول عل عيدك مبارك=عقبال يانظر عيني تطفي مية شمعه
11/8 ترى بعيدك بيتبارك=لانك تحلي اليوم وكل عام تمتعه
حلو السنين اللي زادن قدرك واعتبارك=وخلن عروش حبك وسط قلبي متربعه
لاكن السؤال اللي ابي فيه اختبارك=ودَك اهني العشرين ولَا اهني السبعه....؟؟

لو الزقاير والقصايد يفيدن=لا غاب عن عينك حبيباً توده
ما كان خلي ياخذنه ويقفن= سود الليالي علها لي ترده

يا من على بيض النوايا تكشَف=ما تقتنع ابما شفت واللي عرفته؟؟
البارحه تنشد وكأنك تعرَف=تقول تغليني..؟ وقلبي حرقته
احرقت قلباً على حبك تلهف=يسعى بحبك وسعيه ما شكرته

بافي معك لو كل من حولك يخون=كيف اتركك وانتي معي في خيالي
انتي هواء وانتي غذاء وانتي عيون=ثلاثة اشياء وتركهن لي محالي
انت الوحيد اللي على قلبي يمون=وانتي الغناء لو ما تبقَى حلالي
كيف الخيانه ياريش العين وشلون؟؟=مقدر اخونك وانتي مثل الضلالي

فديت منهو يشغل الخط على طول=الخط فدوه وراعي الخط فدوه
وللنت اخلي حتى لو كان مشغول=لعيون من شوفه لنا ((اكل حلوه))
وللي تراسلني اباقول واقول=الروح فدوه وراعي الروح فدوه

ليه البطى ياخشف ليه انت غايب؟؟=هذا السؤال اللي ابي له اجابه
عقبك ترى في القلب مثل اللهايب=لها في وسط الجوف مثل الضبابه
يابو الدلع يابو الحلا والذوايب=يا حاكماً قلباً خضر ياعذابه
يامنقضن كل الجروح العطايب=ياملهمن غيم القصيد وسحابه
خلطة غلاكم سطرت في العجايب=تحكي بواقع شي محدن درابه
فيك الثلاثه والثلاثه سبايب=تكفي بانك تنفرد بالتشابه
ثلاثة اشياء تختصر((بالمصايب))=((غنج... وحلا... مع وشوشه في الكتابه..))

ابعترف اني عليكم معصَب=يامن تولع نور قلبي وتطفيه
ترى المحبه ماتجي بالتغصَب=اما غلا او انك تقول اخليه

سـلامـي لـلـي فاجـئـنـي بـكـلامـه=وعلـي الـمـوت اهــون مــن كـلامـه
يـقــول الـبـعـد كـنــه صـــار واجـــب=ظـــروف الـوقــت عـدتـنـا الـمـلامــه
وكــل واحــد يـشـوف مـنــا طـريـقـه=وحـــب(ن) فـــات لازمـنــا احـتـرامـه
جـبـرنـا الـوقــت وصـــروف اللـيـالـي=اقـولــه لـــك وانـــا كــلــي نــدامــه
مـاجـا فــي بـالـي ان حـنـا نتـفـارق=وذاك الـحـب نسـعـى فــي هـدامـه
(إف)كــــم يوم(ن)بـنـيـنـاه وتـعـبـنــا=ابليل(ن)شـاتـيـاً مـوحــش ظــلامــه
سـهـرنـا بــــه وقـلـنــا مــــا عـلـيـنـا=وكـــــل مــنـــا يــبـــادر بـاهـتـمـامـه
ولــكــن نـنـهــي الـقـصــه وتـبـقــى=سـهـوم الـقـلـب وفـــروخ الحـمـامـه
سكـت شـوي ولا ادري وش مـردَي=مــا دام الــدرب يـنــوي بانقـسـامـه
انــا مـالـي غـنــى عـنـهـا ولا اقـــدر=عـلـى قلـبـي وهــو مـدمـن غـرامـه
ثـم قلـت مـن يقـدر البعـد وجحيمـه=واخـــص مـــن ذوَق لـخـلـه هـيـامـه
حـقـيـقـه مــقــدر ابــعــد واتــعـــذب=نـويــت لـلـقـلـب يـاخـلــي عــدامــه
انــــا مـنـهــو يـعـوضـنــي بـغـيـابــك=وذاك الـلـيـل قـلـلـي كـيــف انــامــه
والا مـنـهـو بـحـطـه فــــي مـكـانــك=مـدامـك فــي خـفـوقـي كالـعـلامـه
انــا احـطــك مـكــان الـبــدر يـمـكـن=ومكـانـك مايجـيـه لــو فــي تـمـامـه
اجل وشلون احط مخلوق في قلبي=عــلــيـــك الله مـاتــبــنــا خــيــامـــه
انــا مـرضـى بـدالـك وســط قـلـبـي=ولـــو حــــاول يـبـادرنــي بـسـلامــه
وطاحـت دمعتـي مـن وسـط عينـي=ومسحـهـا جعلـنـي فـــدوة ابـهـامـه
وخذيت شوي وانـا مدنـق ابراسـي=ولانـــي بهاقـي(ن)كـنـي ســلامــه
رفـعـت الــراس وشفـتـه راح مـنــي=ويمـسـح دمـعـتـه بـأسـفـل لـثـامـه
وكــــل شــــوي يـقـفــي ويـتـلـفـت=وكـــل نـظــره تـأكــد لـــي هـيـامــه
عـــلـــيـــك الله يـاحــب(ن)رعــيــنــا=دروبــــه لــيــن اعــلـــن بـإنـهـزامــه
وعـلــيــك الله يـاقـلــبــي وحـــبـــي=تصـبـر لـيـن يسـوقـه لـــي غـرامــه

تقولي لي انسى وانا قلي كيف ابنساك=انا مستحيل انسى الا بفقدان الذاكره
الا انت انسى وخلني موديليه ابمخباك=يكفيني القرب حتى ولو منتي بفاكره

يمر طيفك في عيوني واغمض=اخاف لا تقفي وانا ما رويتك
ارجوك ياطيف الغوالي تريض=ابطلبك...وانت بالبخل ماهقيتك
ساعة وصل في وسط عيني تعرض=تعطي امل بالوصل لوني ظميتك

تعالي وارتوي من مناهل الشوق=ما دام شوقي لك كما السيل جارف
انت تدري ان الغلا من ساق لك سوق=غير البلا لا صرت عنه النظر صارف
يالذة العاشق ويا الذ معشوق=لا صرت عارف وش لي بغير عارف

قلتي لي وضاق الفضاء بإتساعه=قلتي توصي شي بغادر (الكوت)
ودعتك اللي ما يخون الوداعه=ياواحدٍ بإقفايته يمكن اموت
انتي بضاعه...لا..وش انتي بضاعه؟=انتي كما الماء لي او انش كما القوت
خليني إفبالش ولو نص ساعه=سلك الغلا من بيننا ينعشه صـوت
طلبت فقيراً مايحب القطاعه=يموت ويحيا والغلا سر تابوت

اشتاق لك واحن وارجع لك اشتاق=الشوق لا زاد بي مقدر ارده
الشوق اظناني والبعد حراق=واللي يحب مثلك بالله من قده؟
لو الفراق ابسلم لحباب ينطاق=ماشفتي الريمي دموعه سقت خده
لا قلتلك وينك تقولي لي مشتاق=والشوق لا جاء قلب يبيح بسده
وانتي مثل ماقيل ساقن على ساق=امريحه بالك واي عذرن اتعده
انتي جمالك يبغي اشوية اخلاق=وتصير كامل ياعديم الموده