مجالس العجمان الرسمي

مجالس العجمان الرسمي (http://www.alajman.ws/vb/index.php)
-   بوح المشاعر (http://www.alajman.ws/vb/forumdisplay.php?f=25)
-   -   قصيدة عن الرجولة والكرم والدين ...... (http://www.alajman.ws/vb/showthread.php?t=65461)

سمو الرووح 06-04-2011 01:04 PM

قصيدة عن الرجولة والكرم والدين ......
 

عندي قصيدة رووووووعة وتعتبر من احسن قصائد البادية الي قرائتها

وتتكلم عن الرجولة والكرم والدين .......الخ

الابيات طويلة شوية لكن صراحة تستاهل القراءة


الشعـر لـه فاتـل وناقـض ii وفـــــاروق .......... والسـوق لـه سايـم وشـاري وبايـع
واللي ربح ببضاعتـه يمـدح ii السـوق .......... والنـاس تطلـب نـادرات ii البضـايـع
يا مدوّر الطيـب تخيّـر علـى ii الـذوق........... وأحفظ معك مـن قـول فـارس iiودايـع
لو كـان بالإرشـاد والنصـح ii مسبـوق .......... ذكـرى لعـل لهـا تــرق ii السمـايـع
جواهرٍ معهـا شـذى المسـك ii مرفـوق ........ ومعهـا التجـارب مثبتـه ii بالوقـايـع
واللي لبس من جوهر المرجلـه طـوق ........مثلـي مجـرّب والتـجـارب ii نفـايـع
سافرت لي طرقه وطبيـت لـي سـوق ...... وخاويت فـي دربـي جميـع ii النزايـع
والله خلـق فالنـاس ميـزات ii وفـروق ........... النـاس شتـى بالشـيـم ii والطبـايـع
أحـدٍ علـى مبـدأ ولـه نظـرةٍ ii فــــوق .........وأحـدٍ كمـا ثلـجٍ علـى القـاع مايـع
ولاني وكيـل آدم علـى كـل ii مخلـوق ....... لكـن أشـوف بخلـق ربـي ii نـوايـع
أشفق على الطيب ولـي رفقتـه iiشوق ......غريـب وإلا مـن قـريـب ii الجمـايـع
وراع الردى من دونـه البـاب ii مغلـوق .......... بينـي وبيـن أهـل السفالـه قطـايـع
الطيب وأهل الطيب عاشـق ومعشـوق .... .... والطيـب لـه مبـدأ وحكـم ii وشرايـع
والمرجله وهبـه مـن الـرب ii ووفـوق ....... والديـن رأس المرجـلـه ii والطمـايـع
والرزق من ربي وله فـرض ii وحقـوق ....... ومن يطلب أرزاقه مـن الخلـق ii ضايـع
والأخـذ بالأسبـاب ثابـت ii ومـوثـوق .......... وتوفيـق ربـي هـو خيـار ii الـذرايـع
ولا كـل مطـرودٍ كمـا قيـل ii ملحـوق ............ قـولٍ مبالـغ فيـه لـو كـان شـايـع
إن ما جلبهـا والـي العـرش ii برفـوق ...........كثـر المطـارد مـا يحـوش ii النفايـع
ومن يحسن النيه مع النـاس ii مـرزوق .......... ومـن يتقـي ربـه دروبـه ii سنـايـع
والكـذب ثـوبٍ مايجمَّـل ii ومشـقـوق .......... ولا ينرفـي شقـه بكـثـر ii الرقـايـع
ومن لا يحـط أسـرار قلبـه ii بصنـدوق ......... ويجـوَّد المفتـاح عـن كـل iiصـايـع
يفتح علـى نفسـه مداخـل ii وخـازوق .......... وقناصـة الفرصـه تـزيـد ii الجـلايـع
ومن يقـرب الأنـذال لا يامـن ii البـوق .......... النـذل خايـن مـا يصـون ii الـودايـع
عقـرب ثـرى وإلا كمـا نـاب ii زاروق ............. لا صـادف الـغـرات للـسـم ii زايــع
وأحـذر تـرى النمـام للشـر ii ناتـــوق ............ دايــم يـقـرَّب للـشـرار ii الـولايـع
من المكـارم خـارب القصـد ii مسلـوق .......... وعقلـه لنزغـات الشياطيـن طـايـع
وترى الردي شمعٍ على الحيـط ii ملـزوق ......... لا أونس حميم الشمـس جـاك متمايـع
أحـذف ردي المعرفـة حـذف ii خملـوق ........... لا تنـخـدع بالزبـرقـه واللـمـايـع
عليـك بالطيـب ليـا صـرت ii مزنـــوق ............. الـلـي فعـولـه كلبـوهـا ii روايــع
يشيل عنـك مـن الصعيبـات ii طـاروق ........... ولا يلحـق المنـه جميـل ii الصنـايـع
لامن عن الواجـب هبـا كـل iiمزلـوق .............. يقـوم بالـواجـب بعـيـد الرمـايـع
والشارب اللي ساعة الضيـق ii محلـوق .......... وقت الرخاء ما أحـدٍ يبـي لـه ii فزايـع
خله ولو شفته علـى الوجـه مصفـوق ............ ولا تستشـيـر مجالسـيـن ii الربـايـع
وإن كان في صدرك قنا الوقت ii مـزروق ............ خلـك علـى الشـده قـوي ii البتـايـع
واضرب على الكايد ولا يلحقـك ii عــوق ............. وأطلـع سنـود وخيـر ربـك ii طلايـع
والشمس لو غابت يجي صبح ii وشـروق........... والحق لـه صيـتٍ مـع النـاس ii ذايـع
يقدم عزيز الساس لـو كـان ii مفهــــوق............ ويأخـذ عظيمـات المـراجـل قـلايـع
وأبليس أخـو مـره مربَّـط ii ومفلـــــــوق ............ وفـي كـل يـوم يـزود حـــــر ii ولقايـع
نركـي علـى كبـده مراقيـع ii وحــــروق.............. وعـروق قلبـه مـن وحمنـــا ii مزايـع
وصلوا على الهادي عدد ما أرمش الموق............ وعسى لنـا مـن جـود ربـي iiشفايـع

عليل المحبه 06-04-2011 01:15 PM

رد: قصيدة عن الرجولة والكرم والدين ......
 
قصيده كامله والكامل الله

صح السسسان شاعرها وتسلمين ياسسمو الروح
على نقلها . .

النـوف\نايفه عن كل البنات 06-04-2011 06:44 PM

رد: قصيدة عن الرجولة والكرم والدين ......
 
صح الله لسان قايلهااااااا

ولاهنتي يا سمو الروح عالنقل

على دروب الغانمين 06-04-2011 09:49 PM

رد: قصيدة عن الرجولة والكرم والدين ......
 
كالعادة قمة في الاختيار والذوق الرفيع =سمو الرووح

قصيدة جزلة ومعبرة

صح لسان شاعرها وتسلم يمنى ناقلها

سمو الرووح 07-04-2011 03:16 AM

رد: قصيدة عن الرجولة والكرم والدين ......
 
صح بدنك .. عليــل المحبــه

وشكرا لمرورك الكريم ولاهنت

دمت طيبٍ وبخير.

سمو الرووح 07-04-2011 03:18 AM

رد: قصيدة عن الرجولة والكرم والدين ......
 
مرحبا ومسهلا

بالنوف \ نايفه عن كل البنات

ومن قال سالم يالشيخه وشكرا لمروركِ المميز ولاهنتي

دمتي بخير وعافية يارب.

سمو الرووح 07-04-2011 03:19 AM

رد: قصيدة عن الرجولة والكرم والدين ......
 
لليــميــن در

تسلم يارب

وشكرا لك ولمرورك المشرف بالنســـبة لـي ولاهنت عساك تسلم

دمت بحفظ الله.


الوقت في المنتدى حسب توقيت جرينتش +3 الساعة الآن 04:03 PM .

مجالس العجمان الرسمي