قد قيل مايصد الحديد ألا المشابه للحديد=واللي بياتي مرحبا وانا ترى باسي شديد
وان كان مابه يالربع خلنا نفيد ونستفيد=طروفت المجلس علومٍ طيبات وغانمه

سلام في مجلس العجمان يامرحبه=وجوب رد السلام وأرحب له البقا
ومن حاول يجيب من فوق أجهده يتعبه=ولاهوب عيبٍ على الرجال لامن هقا

ارحب بأي شاعر بأسمه الحقيقي

الخير خير الله ولابه فوق حيل الله قوي =والبرق يبرق والرعد يرعد ونسمع له دوي
الله وأكبر طوّلت الايام والذيب يعوي=طروفة المجلس علومٍ طيبات وغانمه

يامرحبا يالمسلم والحزام اكربه=سلالتك من هل الوقفات واهل النقا
واللي نوى المرقب العالي وصل مرقبه=الرجل يرقا ويرقا كان عزمه رقا

المهتوي من شف والمشفوف واضح واهمله=كم بيرقٍ يرسل والى ارسل جاك رده بعجله
والرجل يدرى في خطاوبه وفبما يخجله=طروفة المجلس علـومٍ طيبـات وغانمـه

دام البقا بك تساهيل الامر وأصعبه=في الحرب والكرب والاصلاح حنا أشققا
واللي يتعدى يقصون الرجال اِشنبه=ونبغي علو المعاني مانريد التقا