|
اشهد انـّا دون حقه ما انثنينا (مرثية الامير عبدالرحمن السديري بـ راشد بن دماغ)
السلام عليكم ورحمة الله و بركاته ,, القصيدة قالها الشاعر الأمير عبدالرحمن بن احمد السديري في راشد ابن صالح ابن دماغ * الذي قُتل و هو في رفقة الشاعر في إشتباك مع فرقة من مهربيّ المخدرات في شمال منطقة الجوف (التي كان الشاعر يشغل منصب أميرها آنذاك) و إنتهى الأشتباك بقتل أحد المهربين و إيـداع الثلاثة الآخرين في السجن ثم محاكمتهم و قتلهم في الرياض بالشرع ,,
لو درينا بـ /القِدَر خيرَه.. ْو شرَّه=ما تركنا خَصْمنا يَجْهَل علينا يوم صارت بـ /أوَّل الهيَّه مغرَّه=ما ارهَبَتْنَا النَّار مع موتَتْ حدينا (ابو صالح) عِنْدَه اللّــذات مِرَّه=والله إنِّا بـ /السَّلامَه ما اهتنينا الله اعطاه الشَّهاده له مبرَّه=و اشهد انَّا دُون حقَّه ما انثنيا لو يشُوف اللَّي جرى عُقْبَه يسرَّه=واجبَه خَذْناَه غَصب ٍ في يدينا * : هو راشد ابن صالح ابن دماغ من آل غفران آل مرة , بدأ عمله الحكومي في خدمة الملك فيصل بن عبدالعزيز ثم عمل في إمارة نجران و أخيراً في إمارة الجوف . حيث قُتِل .. |
رد: اشهد انـّا دون حقه ما انثنينا (مرثية الامير عبدالرحمن السديري بـ راشد بن دماغ)
ونعم والله بـ ابن دماغ
والشجاعه مهيب غريبه عليهم , عسى الله يتقبله مع الشهداء وصح لسـان عبدالرحمن السديري ولاهنت يامسعطر , واشكرك على اهتمـامك في جمع المعلومات والقصص والتواريخ اللي نستفيد منها :) |
رد: اشهد انـّا دون حقه ما انثنينا (مرثية الامير عبدالرحمن السديري بـ راشد بن دماغ)
ونعم والله بـ راشد ابن صالح ابن دماغ آل غفران
والله يرحم بن دماغ وصح لسانك ولسان عبدالرحمن السديري ومعروف عنه شاعر وكنه شاعر محاوره اخيكـ |
رد: اشهد انـّا دون حقه ما انثنينا (مرثية الامير عبدالرحمن السديري بـ راشد بن دماغ)
اقتباس:
و نعم حالك و الله يرحمهم جميع ,, و لاندمت يا حوران ,, و شكراً على مرورك ,, يا مرررحباااا و مسهلااااا ,, |
رد: اشهد انـّا دون حقه ما انثنينا (مرثية الامير عبدالرحمن السديري بـ راشد بن دماغ)
ونعم في ابن دماغ وصح السان السديري
ولك مني يا المسعطر اعجاب كبير في موضيعك ولاهنت وبين عليك لك اتجاه تاريخي كبيرررررر مشاء الله عليك ومشكور على الطرح ازين |
رد: اشهد انـّا دون حقه ما انثنينا (مرثية الامير عبدالرحمن السديري بـ راشد بن دماغ)
لاهنت يامسعطر وصح لسان السديري
|
رد: اشهد انـّا دون حقه ما انثنينا (مرثية الامير عبدالرحمن السديري بـ راشد بن دماغ)
الله اعطاه الشَّهـاده لـه مبـرَّه = و اشهد انَّا دُون حقَّه ما انثنيـا لو يشُوف اللَّي جرى عُقْبَه يسرَّه = واجبَه خَذْناَه غَصب ٍ في يدينـا الله الله صح الله لسان ألامير عبدالرحمن السديري والله يرحم راشد بن دماغ ويسكنه فسيح جناته وسلمت وسلمت يمناك يـ مسعطر ولاعدمناك يـ ذيبان وتقبل سلامي وأشـواقي |
رد: اشهد انـّا دون حقه ما انثنينا (مرثية الامير عبدالرحمن السديري بـ راشد بن دماغ)
صح لسان الامير السديري وبيض الله وجهك يا مسعطر على النقل الرائع والله يكتب الشهادة لراشد بن دماغ الله يرحمه
|
رد: اشهد انـّا دون حقه ما انثنينا (مرثية الامير عبدالرحمن السديري بـ راشد بن دماغ)
اقتباس:
و نعم بحالك طال عمرك ,, والله يقبل دعائك ,, ولا اعلم هل السديري شاعر محاوره او لا ,, ..!! و مشكووور على مرورك و تشريفك ,, يا مررررحبااا و مسهلااااا ,, |
رد: اشهد انـّا دون حقه ما انثنينا (مرثية الامير عبدالرحمن السديري بـ راشد بن دماغ)
صح لسان السديري
والغفراني يستاهل لاهنت يا مسعطر على هذا النقل المتميز مواضيعك تستحق المتابعه دائما وتستحوذ الإعجاب تقبل مروري ..,, |
| الوقت في المنتدى حسب توقيت جرينتش +3 الساعة الآن 04:43 AM . |
مجالس العجمان الرسمي