قصيدة الشاعر دلقم ال دمنان في موقف الشيخ هادي بن سراج لسلوم
هذه القصيده في الشيخ هادي بن سراج بن ابراهيم لسلوم قالها الشاعر دلقم بن سلامة ال دمنان ال هندي بعد ان زبن ابنه حمد على هادي بن سراج بن ابراهيم
ماسر قلبي من قصيد الروادي=الا قصيدن يالبدو يبدعونه ما قال قولن على غير قادي=قلبي لغيره بيناتن شطونه يالوع قلبي لوع زرع الحصادي=لاعه سموم الليل يبست اغصونه من عقب ماهومخضرنٍ له سوادي=يبست عروقه وانثنو يصرمونه البارحه ماذقت حلو الرقادي=كني مريض علته من عيونه هلت دموعي مثل سيل الحشادي= أمضيع طيري وشفت المهونه ابكي على طيري غدا يوم صادي= أنشد على البدوان ما يذكرونه طيري وحيشن ما ربى في البلادي=طيري جفل من خبرتن يجذبونه متوحش من واحد له ينادي=ماهو من اللي دايمن يعرفونه يالله ياعلام ما في الفؤادي=أعقل علي طيرنٍ صفا الجو دونه عزي لمن ضاع حل وقت الهدادي=ياتي بشير للذي يرتجونه أرجيه ليجا في الليالي البرادي=لاكل صقارن تقضت شطونه لشدو البدوان باقصى المنادي=واللي قعد في العد مايرقبونه ارجيه يقتلي كبير الثنادي=في قافرن ما اهل البلد يدهلونه من حزن طيري عفت شربي وزادي=مثل المريض اللي هله ينعشونه من لامني جعله يشوف الزهادي=يقعد فقيرن في البلد يطعمونه قالو ونيس قلت عجلٍن مرادي=ابدع قصيد للعرب يسمعونه اليوم باثني بالمدح للعوادي=كسابت المعروف يستاهلونه بارز بيضاء في طويل المبادي=لهادي بن سراج يللي تجونه محدن نشأ بالمرجله مثل هادي=جعلهم* فداه اللي لفو يشتكونه شيخ على شيخ عريب الجدادي=دايم وحيشان الخلا يمتنونه من لابةَ لي جا نهار الطرادي=كم واحدن من وقعهم يعدمونه يستاهلون مذعرات القنادي=الاد عامر ويل من ينطحونه تنفلوا بالطيب فوق البوادي=كم من شجاع في اللقا يذبحونه أشهد لهم في فعلهم بالوكادي=كم واحدن في دقلهم يسلبونه يوم الفشق يشدي صفر الجرادي=مثل الزعيري بينهم يحتسونه ياما اتعبوا من مناقلات الشدادي=يتلون عودن للعدا ينحسونه يتلون اخو ملحه* صبي الهجادي=ما من عدونَ دايم يفجعونه ومجالسن اضويها لك تنادي=يفرح بها ضيفن ضو يكرمونه هاذي مقاصيدي وهذا مرادي=ابين اللي للمدح يكسبونه |
صح لسااانك ولسااان دلقم بن سلامة
|
صح لسان بن سلامه
ولاهنت وبيض الله وجهك على النقله الخويطري |
لاهنت وصح لسانك ولسان ابن دمنان ويستاهلون المدح ال عامر هم هل البيضا
|
لاهنت ياخشم العان
وصح الله لسانك ولسان الشاعر دلقم ال دمنان وبيض الله وجهك تقبل سلامي واشواقي الخويطري |
مرحبا بالجميع
ولاهنت على الردود |
خسم العان
سالم وغانم وصح السان الشاعر دلقم بن سلامه بن دمنان الصقور اليامي ويستاهل هادي بن سراج المدح هو واللي مثله خالص تقديري |
لاهنت ياخشم العان
وصح الله لسانك ولسان الشاعر دلقم ال دمنان تحياتي لك |
للتصحيح الشاعر من الصقور وليس من الهندي دلقم ال دمنان الصقور |
وهذه قصيدة أخرى للشاعر دلقم
يانفدا اللي مانوى بالتفاشيل=نوى على المقاتل عسى الله يجيره ويانفدا اللي ما انولى للحماميل=...................................... عدوا على ابن سراج صافي الفناجيل=اللي احتمل ذم القبيلة وغيرة اللي احتمل ذمه ولا قيل ما قيل=وأرخص له الغالي ودنا بعيره أما هادي بن سراج ماله تماثيل= اللي أعترض دونه بنفس خطيرة من ساس عود كايد في الرجاجيل=يابرك ليله يوم بشر بشيره ماكر حرار ما أخلفته التباديل=من لابتن ما ذكر فيهم عثيرة من لابة في الهوش تروي لفاعيل=ألاد عامر ساترين القصيرة عاداتهم في الهوش ربعن مشاكيل=وعاداتهم ينجون منهو نحيرة سم على العدوان عقب مطاليل=وكم من حفيف قنعوه المغيرة كم واحد من ضربهم طاح ماشيل=يوم أشهب البارود مثل السعيرة وكم حرمة من ضربهم جرت الويل=خلي بعلها طايح في الجديرة شوف بعيني ما حكوا لي هل القيل=هية دواثر في الضحى والسفيرة ويفرح بهم جيش ركوبه مواخيل=أهلة جياع وسايج الظهيرة عاداتهم للضيف ذبح المواحيل=ومجالس ضويها مستنيرة من جيت منهم قلت لِِِ زايده كيل=وكن التجر باقطار بيته تميره عسى مرب بيوتهم دارج السيل=سيل تحدر من قنوف غزيرة ينبت لهم عشب يسمى لتاويل=باسفل حبونا يوم عيل محيرة شوف العدايم مغتشيها كما النيل=وأصبح دبشهم مغتشيها نشيرة |
الوقت في المنتدى حسب توقيت جرينتش +3 الساعة الآن 12:05 PM . |
مجالس العجمان الرسمي