|
سليمان بن راشد الغفيلي ((النفـــــود))
شوف النفود يا زين شوف النفود وجوه الماطر في خايعٍ ما وطا به قبلنا واطي ريح النفل والخزامى يشرح الخاطر يسري بروحٍ عليلة همها ساطي بيت الشعر والغنم والعد والفاطر أحلى ولا جلسةٍ في جانب الشاطي مع ربعي اللي تعين وتكرم الخاطر سوالفٍ ما بها تكذيب وخراطي كلٍ بنفسه لعزة ربعه إيخاطر يحلا له الموت دون المركز الواطي ما منهم اللي لحق أهل الوفى باطر كلٍ يعد الحقايق دون الأغلاطي والبن متزهلٍ به واحدٍ شاطر بيطار يعرف مقاديره ويحتاطي لا دار وقت الضحى فنجاله العاطر يجلي عن الراس همٍ سبب إحباطي والطير متحريٍ للهدة وناطر يبغى الأشارة من القناص متباطي دم الحباري من اسبابه غدا قاطر الخرب عوَّد على ادنى هامته واطي |
رد: سليمان بن راشد الغفيلي ((النفـــــود))
صح لسانك ,, و صح لسان شاعر الأسياح ابو راشد ,,, و هو من الشعار الشباب اللي لهم مستقبل قوي بأذن الله ,,, تقديري و إحترامي يا ابو عبدالرحمن ,, |
رد: سليمان بن راشد الغفيلي ((النفـــــود))
لا دار وقت الضحى فنجاله العاطر
يجلي عن الراس همٍ سبب إحباطي هالله هالله عليك يا بو راشد بكل بيت إبداع وصح لسانك يا أبو أمزان وسلم حالك على إيراد هالجزلة لأبو راشد وبيض الله وجهك ولا تخلينا من الباقي ودعناك الله 1bh1 |
رد: سليمان بن راشد الغفيلي ((النفـــــود))
صح لسانك ,,
و صح لسان شاعر الأسياح ابو راشد ,,, و هو من الشعار الشباب اللي لهم مستقبل قوي بأذن الله ,,, |
رد: سليمان بن راشد الغفيلي ((النفـــــود))
قصيدة رائعة
صح لسان الشاعر والناقل تقديري. |
| الوقت في المنتدى حسب توقيت جرينتش +3 الساعة الآن 10:53 AM . |
مجالس العجمان الرسمي