|
بريد واصل
عندما شاركت في بريد واصل المجاني أعجبتني خدمتهم وسرعتهم في تركيب صندوق البريد على حائط المنزل كتبت فيهم هذه الابيات
قــالوا بريــدك قـلت واصـل الى البـيت = بــريـــد واصـل طيــبـات(ن) عــلومـــه قــالـوا اشـتــرك بــه عــقـبها ماتوانيت = بــريــد مــجـــاني وكــل(ن) يــــرومـــه عــقب اشتـراكي باشروا حايط البيت = صنـــدوق مـمـتــازوجــديــدة رقـومـه هــذا البــريـد الطيــب اللي تـمنــيـت = فـيــــه الامـــانـــه والاوادم خـــدومــه بــانصحك ياللي عن تواصلك عييت = ارجــع وشـــارك مع رجــال محشومه حب التواصل في حشا القلب رزيت = قاسي القلوب امن التواصل رحومه |
رد: بريد واصل
صح لسانك على القصيد الجزله
ننتظر الأجمل |
رد: بريد واصل
العرجاني صح بدنك
هلا والله وحياك الله لك مني اجمل تحية |
رد: بريد واصل
مبروك الصندوق والاشتراك ياعبداللطيف
وصح الله السسسانك على الابيات . . لاهنت |
رد: بريد واصل
صح الله لسانك وفي المدح اوفيت ...... ياللي مدحت ووافيات ن علومه
لكن على هونك وشف خدمة البيت .... بريد ضايع وكاثرات همومه يعطيك العافية على المشاركة |
رد: بريد واصل
عليل المحبه صح بدنك
أسعدني مرورك لك مني أجمل تحية |
رد: بريد واصل
ابن سويد الشايقي صح بدنك
أبدي أسفي لتكار كلمة البيت بالبيت الثالث وذلك بسبب الاستعجال وعدم المراجعة لك مني أجمل تحية |
| الوقت في المنتدى حسب توقيت جرينتش +3 الساعة الآن 02:54 AM . |
مجالس العجمان الرسمي