ذكاء هذي العجوز ودهائها
 

السلام عليكم ورحمة الله

احب ان اذكر لكم قصه قريتها في احد المنتديات ولا اذكر المنتدىواعجبتني.. وبصراحه اندهشت منشدة ذكاء هذي العجوز ودهائها.

فيه رجل متزوج اعتقد ثنتين .. وكانت زوجته الثانيه خجوله والحيا مسيطرعليــها بحيث انها لم تظهر له حبها فشـك في حبها له وشك بانها ما تبيه فلم يعرف ما يفعل ليتأكد.. فسمع عن عجوز وذهب لأستشارتها..
فقالت له:
خذ حيه وخيط فمها وضعها فوقك واذا اتت زوجتك توقظك فدعي الموت.. وفعل ما قالت له

فعند الصباح اتت الزوجه توقظ زوجها من النوم ولكنه لم يتحرك فكشفت الغطاء عنه.. فأذا بالافعى تتحرك فوقه.. من شدة فزعها واعتقدها بانه زوجها قد مات... صاحت بأبنه ( كان لديه ابن من زوجته الاولى اسمه زيد) وهي تقول



يا زيد رد الزمل باهل عبرتي.. على ابوك عيني ما يبطل هميلها
اعليت كم من سابق قد عثرها.. بعود القنا والخيل عجل جفيلها
واعليت كم من هجمه قد شعيتها.. صباح ولا شعتها من مقيلها
واعليت من خفرة في غيا الصبا.. تمناك يا وافي الخصايل حليلها
سقاي ذود الجار لاغاب جاره.. واخو جارته لا غاب عنها خليلها
لا مرخي عينه يطالع لزولها.. ولا سايل عنها ولا مستسيلها




فنهض الزوج سعيدا لتأكده بانها تحبه.. طبــعا شي طبيعي الحرمه خجوله.. استحت وزعلت منه وراحت لهلها..... وعندما ذهب يريد ان يرجعها... شرطت عليه انها ما ترجع له حتى
(يكـــــــلم الحـــــجر الحــــــجر .. وان يكلم العـــــــــود العـــــــود)هذا طبعا من سابع المستحيلات... عجز الرجال وهو يفكر ... طبعا ما راح يطلعه من الوهقه ذي الا العجــوز.. رجع لها واخبرها بالسالفه فقالت له

ان يكلم الحجر الحـــجر فهي الرحـــــــا
اما العود للــعود فهي الربـــــــــابه

وتم حل المسأله وارجعت الزوجه لزوجها.

اتمـــــــــــنى ان تنال اعجباكم....بس فكرو معي هل تعتقدون راح تقدرون تحلون الشرط؟

لاهنت يابو محمد على القصه التي فيها عبره ودهاء

لا هنت يا سعد على السالفة الطيبة وبيض الله وجهك يا السنافي

لا هنت يا أخوي سعد على هالسالفه الطيبه

و فعلا الأولين لا بغوا يستشيرون راحوا لأهل الخبره و التجارب.