مجالس العجمان الرسمي

مجالس العجمان الرسمي (http://www.alajman.ws/vb/index.php)
-   " غَـــــيــــــــوم مــــاطِــــــــرة " (http://www.alajman.ws/vb/forumdisplay.php?f=71)
-   -   ذكــريــات عـبدالعــزيز (http://www.alajman.ws/vb/showthread.php?t=60433)

عبدالعزيز الحربي 14-10-2010 10:47 PM

ذكــريــات عـبدالعــزيز
 
بسم الله الرحمن الرحيم


الحمــــد لله وحــــده .. وصلاة ربي وسلامه على من لا نبي بعــــده ..

أمـــــــــــــــا بــعــــــــــــــــــد /


أخـــوانــي / أخـــواتــي
في هـــذا المنتـــدى المبــــارك :


الســـــــلام عليــكـــــــــــم ورحمــــة الله وبركــاتــه :


أفتتحــت هــذا المــوضــوع في هذا القســم وكلي أمــل في أن أقـــدم ما يرضــي الجمــيـع , علمــاً أن اغلب حـديـثـــي هــنا ســيـكـــون بمشيئة الله تعالى شـعــــراً , وعسى أن أكون عند حسن الظن بي .



وتقبلــــــوا تحيــــات وتقديـــر أخوكـــــم عبدالعزيز الحربي .

http://www.mydanalshar.com/image.php...ine=1287076386


تم تدوينه في 7 / 11 / 1431 .

عبدالعزيز الحربي 14-10-2010 11:18 PM

رد: ذكــريــات عـبدالعــزيز
 
الصبر مفتاح الفرج كيف تنسـاه؟..لا تغـلـق ألاّ بـابٍ يجــوز غـلـقـه
وان ضاع صبرك دوّره لين تلقاه..وان ما لقـيـتـه دوّره زيـن والـقـه
مايجلس المومن على حيد مركاه..ويقول ابي من كل الارزاق شلقه !

عبدالعزيز الحربي 14-10-2010 11:18 PM

رد: ذكــريــات عـبدالعــزيز
 
ظلما الجهل فوق نور العلم معتليه **** حاجه غريبه ولكن صارت وحصلت
ياوقت مالي أشوف الناس مبتليه ؟ *** ماكن أحد من سياج المشكله يفلت
دنيا غثاها تعدا الكبــد للكليــه **** تشابكت مع نوايا إبليس واتصلت
فيها دروب الحيا بالشوك ممتليه **** وفيها طريق الخطر مرصوص ومزفلت

عبدالعزيز الحربي 14-10-2010 11:20 PM

رد: ذكــريــات عـبدالعــزيز
 
ياطول ليلي ياهوى البال طولاه ........ الفجر عيّا لا يجي والقمر غاب
هـذا الزمـان اللي غريبه مزاياه ........ الرابح اللي يكتشف للفرج باب
ياللي تبي باب الفرج وين تلقاه؟ ....... فكّر وجاوب قبل أسمّيك كذّاب!

عبدالعزيز الحربي 14-10-2010 11:20 PM

رد: ذكــريــات عـبدالعــزيز
 
مالقيت أكذب من الاعـلام تلفـاز وصـحـافـه .. .. الحقـيـقـه شـيّ واللي يذكــرونـه شـيّ ثـانـي
مصدرٍ موثوق صرّح , هاه يامصدر خرافه؟ .. .. ويش عندك غير تعقيد الشوش هي والآذاني؟
كـل عـلـمٍ تذكــره تنسى وتعـطــيـنـا خـلافـه! .. .. تلك حالات الكـذوب اللي من الدوخـه يعـاني
دوخـة الكــذّاب ماهي من تعـب والاّ كـلافـه! .. .. في نظام الكذب سرّك ينكشف باربع ثواني!!
مدمنـين الكذب من زود الحقاره والسخافـه .. .. في نظـرهم كلّ خلق الله حـروف بلا معـاني!!

عبدالعزيز الحربي 14-10-2010 11:26 PM

رد: ذكــريــات عـبدالعــزيز
 
ألا يـالله ثـبّــتـــنــا عـلى الاســــلام لــيـن نـمــــوت .. .. وبعّـدنا عن اللي يـكـرهـون الديـن الاسـلامـي
أشوف الصحف قامت تجمع العـاقـل مع السربوت .. .. وبين الحـقّ والباطل ما بين الشرق والشامي
أسـاس الحـنـظـلـه مـن خلقـة الدنيا ما تنـبت تـوت .. .. وفرق المـرّ والحـالي مايبـغى موجـز إعلامـي
لكـنّ اللــيـل مـظـلـم والـمـطــيّــه قــيـدهـا مـفـلـوت .. .. وحـدّتها هـبوب الغـرب صوب المورد الضامي
ولن جـيـنا الحـقـيـقـه وش يجـيب الرمث للياقـوت؟ .. .. عجـيبه نظـرة العـلمانـي اللي غـرّه الجـامي!!
باسـم حـرّيـة التـعــبـيـر قـامـت حـمـلـة الطـاغـوت .. .. بمـيـدان الحـزازيّـه و وطيس المعركه حامي

عبدالعزيز الحربي 14-10-2010 11:32 PM

رد: ذكــريــات عـبدالعــزيز
 
لا تسأل المهموم وش جاب همّه .. .. .. يمكن يصيـبك همّ وتصير مهمـوم
أبعــد وخـلّـه لا تجـيب المـطـمّـه .. .. .. هـذا إذا مانته مضــيّع ومـنـجــوم!

عبدالعزيز الحربي 14-10-2010 11:32 PM

رد: ذكــريــات عـبدالعــزيز
 
في داخل القلب مدري داخل عيوني ......... أو بالأصح أنت تسكن قلبي وعيني
وان كان قالولك انّي فـيك مفـتوني ......... هـذا فـقط جـزء لو الكامـل يـبـيـنـي

عبدالعزيز الحربي 14-10-2010 11:33 PM

رد: ذكــريــات عـبدالعــزيز
 
نظـمـتـلـي قـافٍ بلـيـغ الـبـلاغـه ... يبـلـغ بلـيـغـين الـبـلاغـه بلـوغـه
من شاعـرٍ فكّــر وقـرر وصاغه ... ولاكل من يبغى يصوغه يصوغه
وضح النقا مافيه حروة مراغـه ... ومنهج مسير العدل مافيه روغه
مايقـنـع الفـارغ ويمـلا فـراغـه ... إلاّ نـهــارٍ فـيــه للـعـــيـن زوغــه
اليانقلب ثقـل الجسـد خـفّ باغه ... وعقل الفتى النابغ تلاشى نبوغه
يزوغ عقلٍ شوف الاهوال زاغه ... ويغيب نـورٍ كـان واضـح بزوغـه
من زاد تفكـيره تشـطّـب دماغـه ... أسـبغ شقا نفسه وزوّد سـبوغـه

عبدالعزيز الحربي 15-10-2010 04:08 PM

رد: ذكــريــات عـبدالعــزيز
 
طيارة أشواقي على موعد إقلاع......طيّارها قلبي وركّابها أشواق
كشّافها الضوئي تقل برق لمّاع.......أخيلها بالجو مزنه وبراق


الوقت في المنتدى حسب توقيت جرينتش +3 الساعة الآن 01:07 PM .

مجالس العجمان الرسمي