مجالس العجمان الرسمي

مجالس العجمان الرسمي (http://www.alajman.ws/vb/index.php)

- مجلس عيون الشعر النبطي (http://www.alajman.ws/vb/forumdisplay.php?f=29)

- - قل لي هلا .. (http://www.alajman.ws/vb/showthread.php?t=46944)

قل لي هلا ..

قل لي هلا واقول صبحك بالخير
وقل مرحبا وأقول ياروح روحي
يابـو ثمـان بالمبيسـم مغاتيـر
اغليك وانت اللي تسبب جروحي
جاوبت من فرقاك خلجٍ على ضير
وناديت باسمك والمخاليق توحـي
حيث هواي من البنـيّ الغناديـر
واليا عذلني واحدٍ قلـت موحـي
اغليك ماطاوعت عـذال ومشيـر
وحيات من مشى السفينة بنوحـي
قلبي على لا ماك يكفخ كما الطير
ما عادلت روعات قلبي فروحـي
ورجلي تزيد المشي يمك بتصخير
ولا تعدت يـم غيـرك شبوحـي
وهموم قلبي منك ورد ومصاديـر
اكن عبراتـي ودمعـي يفوحـي
وش جابني لولا إن هذي مقاديـر
الا إنها كتبت بلوحـك ولوحـي

المرحوم
محمد السديري ,,,

مماراق لي

وافر التحايا

نجلا

رد: قل لي هلا ..

جاوبت من فرقاك خلجٍ على ضير
وناديت باسمك والمخاليق توحـي

الله الله

اسطورة من أساطير الشعر الله يبيحه

نجلا الله يعطيج العافيه

رد: قل لي هلا ..

الله يعافيك
وشاكره مرورك العطر

وافرالتحايا
نجلا

رد: قل لي هلا ..

صح لسان الشاعر/ محمد السديري رحمه الله

نجلا قحطان

أختيار موفق وذائقة متفرده

أهنيش على ماقدمتي

تقبلي تحيتي

:21t:

رد: قل لي هلا ..

قصيــده رائـــعه من روائــع السديــري

لاهنتي على النقل الجميـــل

تقبلي تحياتي:a27:

رد: قل لي هلا ..

صح الله شاعرها

وصح الله ذوقتس

اختيار موفق

تسلم اناملتس على نقل القصيده

تقبلي مروري

:)

رد: قل لي هلا ..

نجلا قحطان

اشكرك على تقديم قصيدة احد اقطاب الشعر محمد السديري رحمه الله

تقبلي تقديري.

رد: قل لي هلا ..

وراقت لي كثيراً ..

لاهنتي على هالذوق الحلو ..

البندري

رد: قل لي هلا ..

{{ نجـــلا قحطـــان }}

,
,

آآبداع غير مستغرب
دمتـي بهذا الرقي

تقديري ..,

رد: قل لي هلا ..

رحم الله الشاعر العلم محمد الاحمد السديري
ولا هنتي يانجلا على الاختيار الموفق والنقل
تحياتي وتقديري