مطلق الثبيتي وشلييويح المطيري
 

هذه المحاورة جرت في عام 1406ه في مدينة عنيزة بين الشاعرين: الشاعر الكبير/ مطلق بن حمّيد الثبيتي )رحمه الله( والشاعر الكبير/ شليويح بن شلاح المطيري.
مطلق الثبيتي
* مطلق:



يا المطيري جيتنا ثم فرقت الجماعه
قمت ترسل فالسواليف لين ادوخت راسي
لو تريض لي وتسمع علومي ربع ساعه
كان ابعطيك الذهب صايغه بفصوص ماسي


* شليويح:



المطيري ما يخون الأمانه والوداعه
لا تغيرك الروابع وخل القلب راسي
لو يجوع الذيب فالبر ما ياكل ذراعه
بيننا رفقه وعلمٍ نقيسه بالقياسي


* مطلق:



كل ما لديت فيّه يصيب القلب راعه
وأثر خشمك هضبةٍ ما يواسيها المواسي
جيشكم ما عاد نعرف هجومه من دفاعه
كل جنديٍ يدوس له دربٍ ما يداسي


* شليويح:



يا ثبيتي ليت عندك عن الحمى مناعه
الطعام اللي تلوث يبين بالتباسي
المذيع اللي يسولف بنشرات الاذاعه
مرتكي له جوف غرفه ولا عنده كراسي


* مطلق:



ترضع الخلفه لحالك وطغتك الرضاعه
باتت الأجواد واما أنت جاي لك حساسي
كل هندي فوق شط البحر باني شراعه
صار شاطر مثلكم فالصرام وفالدياسي


* شليويح:



درّها في جوف بطنك ولا عقبك طماعه
تشرب الطاسه لحالك وحاديك الحماسي
وأنت رجلٍ شافعي مير ضيعت الشفاعه
لو قلنا ناسي الدين وأنك ما انت ناسي


* مطلق:



مانبي يا قوم من سوقكم شريه وباعه
لو بسطنا بالذهب عندكم يرجع نحاسي
يالخزاعي طيع شوري وعود مع خزاعه
قبل تصحي بك عيونٍ مطاوله النعاسي

لا هنت يا برمان على المحاورة الرائعة مع كبار شعراء المحاورة ما قصرت يا السنافي

ابو حمد لاندمت واسعدني مرورك يالسنافي تقبل تحياتي

الله لايهينك يابرمان وشكر جهودك الطيبة

ولاخلا ولاعدم يالسنافي

الاخ فهاد حياك الله يالسنافي ابرك الساعات تراها ساعت مرورك وتقبل تحياتي

الاخ

برمان

تسلم والله يالغالي على الجهود

تحياتي لك

الاخ ابو محسن حياك الله واسعدني مرورك تقبل تحياتي