قصة ام رماها ولدها بدار المسنين
بسم الله الرحمن الرحيم
السلام عليكم ورحمة الله وبركاته الام ماتت والقصيده سلمها الدكتور للولد وهو يستلم الجثة هذ ه قصيدة لأم تعيش في دار المسنين تنثر كل أحزانها بصوت الامومة لولدها الذي رماها وتركها من أجل خاطر زوجتة التي رفضت العيش مع أمة.....؟؟ وتمر ثلاث سنوات ولم ترى فلذة كبدها ولو مرة واااحدة فكتبت هذة القصيدة .... يامسندي قلبي على الدوم يطريك ×× ماغبت عني وطيفك سمايا هذي ثلاث سنين والعين تبكيــك ×× ماشفت زولك زايرآ يا ضنايا تذكر حياتي يوم أشيلك وأداريك ×× والاعبك دايم وتمشي ورايا ترقد على صوتي حضني يدفيك ×× ماغيرك أحدآ ساكنن في حشايا وليا مرضت أسهر بقربك وداريك ×× ماذوق طعم النوم صبح ومسايا ياما عطيتك من حناني وبعطيك ×× تكــبر وتكــبر بالامل يا مـنايا لكن خسارة بعتني اليوم وشفيك ×× وأخلصت للزوجة وأنا لي شقايا أنا أدري أنها قاسية ما تخليك ×× قالت عجوزك ما أبيها معايا خليتني وسط المصحة وأنا أرجيك ×× هذا جزا المعروف وهذا جزايا ياليتني خــدااامة بين أياديك ×× من شأن أشوفك كل يوم برضايا مشكور ياوليدي وتشكر مساعيك ×× وأدعي لك دايمآ بالهدايا حمدان يا حمدان أمك توصيك ×× أخاف ماتلحق تشوف الوصايا أوصيت دكتور المصحة بيعطيك ×× رسالتي وحروفها من بكايا وأن مت لاتبخل علي بدعاويك ×× وأطلب لي الغفران وهذا رجايا وأمطر ترااب القبر بدموع عينيك ×× ما عاد ينفعك الندم والنعايا — |
رد: قصة ام رماها ولدها بدار المسنين
الام هي مصدر الحنان والتسامح فرغم عقوق هذا الولد هي ترجي له كل الخير والمحبه جعل والدينا في الجنه وجعله رضاهم يعمنا دنيا واخر اما هذا الولد العاق فسوف ياخذ جزائهم بعقوق ابنائه باذن واحد احد لك كل الشكر على هذي القصه المعبره رغم ما بها من الم |
رد: قصة ام رماها ولدها بدار المسنين
من جد لاتعليق
اسقمتني هالقصه مع اني قد سمعتها بس اتعذب وانا اسمعها والا اقراها الله لايقطع فينا وجعلني من البارين ياحي ياقيوم تحياتي |
رد: قصة ام رماها ولدها بدار المسنين
هلا بك اخويALGhe Thane
تسلم على المرور الطيب والله يسعدك ويوفقك دنيا واخره |
رد: قصة ام رماها ولدها بدار المسنين
هلا بش يالمطنوخه
وامين الله لايقطع فينا مشكوره على المرور والله يسعدش ويوفقش دنيا واخره |
رد: قصة ام رماها ولدها بدار المسنين
الله يكفينا الشر والله يستر علينا الهم اني اسئلك التوبه النصوحه
|
رد: قصة ام رماها ولدها بدار المسنين
فهد ارحب
اللهم امين والله يوفقك ويسعدك دنيا واخره |
رد: قصة ام رماها ولدها بدار المسنين
كل الشكر لش اختي راعيه اطيب قلب
تقلبي مرووري |
رد: قصة ام رماها ولدها بدار المسنين
سارونه
العفو طال عمرش والف شكر لش على المرور والله يوفقش ويسعدش دنيا واخره |
رد: قصة ام رماها ولدها بدار المسنين
|
الوقت في المنتدى حسب توقيت جرينتش +3 الساعة الآن 05:56 PM . |
مجالس العجمان الرسمي