القناعـه كنـز والعقـل فانـوس الضـريـر=والتغابـي حيلـة اللـي زمـانـه يحـقـره !
والرجل لاصار عاصـي تـرى مافيـه خيـر=ان حكا بي بـ/ احقره ، وان نفعني بـ/ اشكره
والخيال اكبـر مـن الحلـم والواقـع مريـر=يابـري حـال المعنـى وحـزنـه وقـهـره
ودي اكابر علـى الجـرح والحـزن الكبيـر=اللي لو استصغـره طيـش حزنـي كبـره !
كبر حزني عقـب توديعـة الليـل الاخيـر !=كبر دمعـات اليتيـم فـ/ زوايـا المققبـره :(
اتقوى بـ/ الصبـر والحـزن سيـفٍ شطيـر=والجفـا ماهـو سنافـي ولا فيـه ثـمـره !
ليتني ما كنـت احـب بـ/ قناعـات الفقيـر=وابتسامـات الحيـاوي وضحـك المبـزره !
وليت ما عندي احاسيـس وشعـور وضميـر=وليتني ما ابكي علـى الماضـي ولا اتذكـره
الحنيـن يكبَـر الحـب لـو انـه صغـيـر=والخيانـه تقتـل الحـب وتقـص اظهـره !
صاحبي ماني بـ/ ميت مـن الاحـزان ميـر=رتَب جروحي غلا وبعثـر اللـي اتبعثـره !
واقتل احساس القصايد وغلفهـا ب/ حريـر !=واجبر احلامـي قبـل جـور دمعـك يكسـره
الغنـي اللـي مـن جـروح خلانـه فقيـر !=والفقيـر اللـي ماعنـده عيـال ولا مـره :)