|
۩ يـارب عفــوك ۩
يارب تغفر لعبـدك مابـدا منـه=وتسامحه ياغفور الذنب زلاتـه اذنب وقصر بحقـك دوم لكنـه=وده يعوض بفعل الخير مافاتـه يخطي وتدمح ولك الفضل والمنه=ياواحدٍ بالعطا جـزلات مداتـه يارب عفوك ترى مالي غنى عنه=والقرب منك هوى قلبي ومنجاته وياسعد منهو جنان الخلد نادنـه=والمفلس اللي رجح ميزان سياته ويالله انا طالبك إرضاك والجنـه=هاذي تراها طموح القلب ومناته وسلامتكم روحانيه لـ (عليل) اسأل الله ان يتقبل مني ومنكم صالح العمل والقول :) |
رد: ۩ يـارب عفــوك ۩
الله الله
ص لسانك على الرائعة اللي اعجبتني بصراحه اخوووك ابونايف الوعيلي |
رد: ۩ يـارب عفــوك ۩
عليل المحبه
صح الله لسانك والله لايشينك ويالله العفو والغفران والتوبه اخيكـ |
رد: ۩ يـارب عفــوك ۩
صح لسانك ياعليل والله لايهينك
وجعلك تسلم على كل حال وننتظر الجديد ان شاء الله >> طلعت شاعر ولا علمتنا << |
رد: ۩ يـارب عفــوك ۩
صح اللسانك .. اي كنق تشوف بدآت تطلع مواهبه .. ;)
الله يوفقك ويغفر لنآ ويآك .. |
رد: ۩ يـارب عفــوك ۩
اقتباس:
ابو نايف صح الله بدنك واعجابك شرف فديتك لاهنت لاهنت |
رد: ۩ يـارب عفــوك ۩
اقتباس:
ارحب يالغالي وصح الله بدنك وحضورك اسعدني لاهنت |
رد: ۩ يـارب عفــوك ۩
اقتباس:
صح بدنك ومن قال سالم شوفتك هنا اسعدتني ولاهنت |
رد: ۩ يـارب عفــوك ۩
عليل المحبه صح الله اللسانك ومبدع فى ما طرحت لنا انا عن نفسي حبيت ان انقل بيت عجبنى ووجدة نفسى انقلها كامله لان كل بيت احلا من البيت الى قبله . يارب تغفر لعبـدك مابـدا منـه وتسامحه ياغفور الذنب زلاتـه اذنب وقصر بحقـك دوم لكنـه وده يعوض بفعل الخير مافاتـه يخطي وتدمح ولك الفضل والمنه ياواحدٍ بالعطا جـزلات مداتـه يارب عفوك ترى مالي غنى عنه والقرب منك هوى قلبي ومنجاته وياسعد منهو جنان الخلد نادنـه والمفلس اللي رجح ميزان سياته ويالله انا طالبك إرضاك والجنـه هاذي تراها طموح القلب ومناته امين يارب تغفر لنا جميع ذنوبنا . اعجز وانا اعبر عند هذه التحفه الرائعه وعند هذا الصوغ النادر بارك الله فيك بحفظ الله ورعايته |
رد: ۩ يـارب عفــوك ۩
ويالله انا طالبك إرضاك والجنـه .. هاذي تراها طموح القلب ومناته .. صـآ آ آ دق .. صح لسـآنك .. قصيده جزله .. لاهنت .. |
| الوقت في المنتدى حسب توقيت جرينتش +3 الساعة الآن 01:36 AM . |
مجالس العجمان الرسمي