مجالس العجمان الرسمي - قصيدة في [ دمعة ] بدر صفوق ..!

مجالس العجمان الرسمي (http://www.alajman.ws/vb/index.php)

- مجلس عيون الشعر النبطي (http://www.alajman.ws/vb/forumdisplay.php?f=29)

- - قصيدة في [ دمعة ] بدر صفوق ..! (http://www.alajman.ws/vb/showthread.php?t=37058)

قصيدة في [ دمعة ] بدر صفوق ..!

السلام عليكم ورحمة الله
واسعد الله أوقاتكم بالخير

.. هذه قصيدة للشاعر: مشاري الشليمي
كتبها في / بدر صفوق ..

علامك تقطع عروق القلوب بصوتك المرتاب ..!
علامك ما تشوف دموعنا سالت من أسبابك !!

أنا ما كنت أؤمن إن باقي للحنين أصحاب ..
إلين إني نظرتك تبكي الغيّاب من ما بك ..

تصدق !! عشت جوّك يوم شفت بعينك الترحاب ..
كأن ودك تطير بهالشبه بس الحيا صابك ..!

تحاول تملك أعصابك ولكن عيّت الأعصاب ..
تبي دمعك ينوّخ لك ولكن هج بركابك ..

تجي منا يجي منا .. عجزت وطارت الأسراب ..
إلين إستسلمت كل الجوارح له وغنا بك ..

عزف لحن الحزن للي قضى عمره ورى الأبواب ..
يولّع جمرتين وباقي أحلام و طرق بابك

يا عبدالله يا ليت إنك تجي وتناظر الأحباب ..
ترامى شوقهم مثل الصحاري و المطر جابك ..

غسلت قلوبهم من عقب طيف وهمهمه وعتاب ..
ونثرت دموعهم من عقب حزم وعزم وإعيا بك

تصدق يا بدر كل الكلام اللي إنكتب بكتاب
لقيت إن فيه بيتينٍ يوفّونك بما نابك:

بأني كنت ../ ما أؤمن بأنه للحنين " أصحاب "
إلين إني نظرتك تبكي [ الغيّاب ] من ما بك

لقيتك تترك ( دموعك ) على خد الورق تنساب
دريت إن [ الشعر ] يرقى على متنك / ويرقى بك
.
.
- قراءة رائعة للمشهد, ببوح جميل وعذب ..
صح احساس الشاعر وسلم

من/ شظايا أدبية