قمّ يا قصيدي حان وقت الفخر حان = أبنتقي منك البيوت الجزايل
أبغيك شاهد حقّ وثابت وبرهان = واحضّرك لا قيل وين الدلايل ؟
لي لابةٍ يشهد لها كل ميدان = أهل الكرم والطيب والشكّ زايل
( يابوك ) حنّ عجمان .. ولا قيل عجمان ؟؟ = يحضر لك التاريخ صايل وجايل ؟!
سيفٍ مجرّب لا حضر كلّ شيطان = تطير( روس ) شيوخ والدمّ سايل
حتى انشد ( التركي ) الى عهدك الآن = يضرب لك أفعال المعيضي( مثايل ! )
انشد وتلقى علوم وأفعال (راكان) = حرٍ تفاخر به كبار القبايل
من ( وادي العجمان ) لحدود ( نجران ) = الى الحسا وحدود ( نجدٍ ) وحايل
لا جاء نهارٍ وإعتلى فيه دخّان = ويِشاف فعل الرجل بين الفعايل ؟
أبشر بقومٍ لقّبوهم بالألمان = حتى معاديهم ( أركبّه ) تهايل !!
وفعول ربعي بالعيينه وكنزان = مروين حدّ السيف وقت الصمايل
يوم غدروا في ذبحة الشيخ ضيدان ؟؟ = جينا بطشنا بكل خاين وعايل
الين صاروا عبره لكلّ خوّان = ولكل منّ نفسه تبيه إيتحايل
فينا الجبان اللي عن الهوش عجزان = اليا اعتزت بنته .. يسوّي هوايل !!!!
( أهل القنازع ) بالملاقا لنا شان = لا ثارت الهيجا وجينا فصايل
قلته وانا ادري .. كانك اليوم زعلان ؟ = جعلك معد ترضى ليوم الهوايل !
جتك الحقايق دون زورٍ وبهتان = وجتك الأدلّه والذكر والوسايل
هذا كلام الصدق وماني بغلطان = ( وبأعيدها لا قيل ويش انت قايل ؟؟ )

المشاركة الأصلية كتبت بواسطة محمد بن دسمه (المشاركة 522687) فينا الجبان اللـي عـن الهـوش عجـزان اليا اعتزت بنتـه .. يسـوّي هوايـل !!!! ( أهـل القنـازع ) بالملاقـا لنـا شــان لا ثــارت الهيـجـا وجيـنـا فصـايـل الله الله يامناااحي صح الله لسانك ولاهنت نفداك ..

المشاركة الأصلية كتبت بواسطة مهرة النسيان (المشاركة 522699) نص شعري راقي .. تشكراتي + تقديري ..

المشاركة الأصلية كتبت بواسطة (لولين) (المشاركة 522703) صح لسانك ... كلمات قمه في الفخر ... كل الشكر