هلا يامرحبا بالى حضر فى منتدى العجمان=تراحيبن على وضح النقا جزلـه نقدمهـا
ولا ياخو فهد اثرك مدرس وثر شانك شان=تقدم وانصب الجمله وانا بحاول اجزمهـا
ألا ياللي ترحب بي وأنا من ربعكم قحطان=يدوم الك البقا ياللـي تراحيبـك تعممهـا
أنا أعلم تلاميـذي علـوم جابهـا لقمـان=وناس تبغي الحكمة تجي وأنـا بأعلمهـا
تقوله وانت والله فالحقيقه تنطـح الفرسـان=لاكن البندق الـى فـى يمينـك لا تسلمهـا
تطير الطايره بك من واشنطن وانزل ابعمان=تبى تلقى رجالن تكرمـك وانتـه تكرمهـا
أنا والله ليامني نطحت القوم فالميـدان=أحدرها وأسندها ولو تثني محازمهـا
ترانا كلبونا فالشمال وفالجنوب أخوان=و أهل عمان ياشايب كفو ماني بظالمها
قبل مده لقيتك فالعماره ترصف البنيـان=لاكن المشكله جت بالمقاول يوم يهدمهـا
وانا عندى خبر مافيه عود الا معه دخان=وانا افهم للرجال وماعليك اقصور فاهمها
بنيت البيت والفلة مقومها على العمـدان=عسى ربي يجازي واحد دمر معالمهـا
ترا كسب الثنا ماهو بفعل يزعل الجيران=هذا علمي تقدم به على الخبرة وكلمهـا
مدام انك جمل بحملـك بالحمـل يابليهـان=ولك خطوه توخرها ولك خطـوه تقدمهـا
الك يمنى ولك هامه ولك نظره وفيك اللسان=ولا شفـت الكتابـه عنقريزيـه فترجمهـا
ألا ياللي تسوق الذود واتحوم على البلـدان=وايلا من جيت لك عالم تبا تسلب عمايمهـا
تجيك علوم أهل صبيا وتلقاها مع البـدوان=رجال ترخص أنفسها ولا ترخص محارمها