مجالس العجمان الرسمي

مجالس العجمان الرسمي (http://www.alajman.ws/vb/index.php)
-   مجلس عيون الشعر النبطي (http://www.alajman.ws/vb/forumdisplay.php?f=29)
-   -   ما كل من سمي صقر يشبـه صقـور=كم من صقـر وقـت الشدايـد دجاجـه (http://www.alajman.ws/vb/showthread.php?t=7747)

راكان اليامي 02-12-2005 11:46 AM

ما كل من سمي صقر يشبـه صقـور=كم من صقـر وقـت الشدايـد دجاجـه
 
ما كل مـن يضحـك بدنيـاه مسـرور=لـو ضحكتـه دايـم تحـرك حجـاجـه
وما كل من يبكي مـن النـاس مقهـور=بعض الدموع رخاص من شـان حاجـه
وما كل صادق لو حكا لك مـن شعـور=يا كثر مـن زيـف المشاعـر خراجـه
وما كل ما يخفـا مـن السـر مستـور=بعض الوجيه ابين من ارهـف زجاجـه
وما كل بيت ٍ بابه انصك مهجـور=بيت ٍ بخل راعيه يطفـي سراجـه
وما كل ورد ٍ تزرعه ينثر عطـور=لو مـاه صافـي مـا يخالـط هماجـه
وما كل مرهف قلب لـو يـزرع زهـور=قلب يحب الـورد وهـو مثـل صاجـه
وما كل من يخطي من النـاس معـذور=البعض يخطـي مـن علـوم العواجـه
وما كل من يسكت على الضيـم مجبـور=لجل الغـلا ساكـت ويدعـي انفراجـه
وما كل راس ٍ ضيع الفكر مسحور=كم راس سحر الحـب جـاب ارتجاجـه
ومـا كـل علـه فادهـا طـب دكتـور=كم من عليل ٍ وصل خلـه علاجـه
وما كل من شاور حكيم ٍ خذا الشور=بعـض البشـر مـا يقنـع الا مزاجـه
وما كل من سمي صقر يشبـه صقـور=كم من صقـر وقـت الشدايـد دجاجـه
وما كل فزاع ٍ لجل مـدح مشكـور=البعـض مرجلتـه وسـامـه وتـاجـه

الشيخه 02-12-2005 12:18 PM

ما كل من يسكت على الضيم مجبور
لجل الغلا ساكت ويدعي انفراجه

اشهد بالله انه صاااااااااااااااااااااااااااااادق


الله لا يهينك يا ركاااااان وتسلم يمناك على النقل الطيب

التوقيع

وش عاااد وان قيل بنت رجااال ^^^ شيخه واهلها سلااااطيني

راكان اليامي 02-12-2005 01:59 PM

يامرحبا يالشيخه وتسلمين على الرد

فهد بن محسن 02-12-2005 04:52 PM

الاخ \ ركان اليامي

تسلم على النقل المميز وصح لسانك ولسان قايلها يابو سالم

وياليت يابو سالم لاهنت تذكر لنا اسم الشاعر


تحياتي لك يالغالي

راكان اليامي 02-12-2005 06:20 PM

هلا وغلا يابو محسن وصح الله بدنك وللاسف لايحضرني اسم الشاعر

عبدالله الوعيلي 02-12-2005 06:24 PM

وما كل فزاع ٍ لجل مـدح مشكـور
البعـض مرجلتـه وسامـه وتاجـه

راكان اليــــــامي صح لساانك
ولا هنت يا القـــــــرم


تحيااتي لك ولشااعر القصيده

راكان اليامي 02-12-2005 06:52 PM

اررحب يالوعيلي وصح بدنك وتسلم على الرد

مبارك العرجاني 02-12-2005 11:12 PM

تسلم يالذيب على القصيــــــــــدة الجزلة...

وصح لسانك .... ولسان شــــــــاعرهـــــــــــــا


أخــــgggك:
مبارك العرجانـــــي

راكان اليامي 02-12-2005 11:28 PM

اررحب يامباارك وماعليك زوود يالغالي

محمد الشامري 03-12-2005 05:28 AM

صح الله لسانك ياراكان ولسان شاعرها


ولاهنت على النقل يالقــرم


الوقت في المنتدى حسب توقيت جرينتش +3 الساعة الآن 04:59 AM .

مجالس العجمان الرسمي