|
جديد الشاعر عامر الحجرف ( في ضياع الطير والمقناص ) اهداء لمنتدى مجالس العجمان .
هذي القصيده من جديدي في ضياع الطير وحبي له عسى ان تجد صداها بينكم وتنال اعجاب الجميع وتقبلو تحياتي .
اســـامر نجـــوم اللـــيل مادامها ســـــمار= وتغرب وانا عيني مـن الســـهـر محمـــره على طيري اللي ضـــيعته تفجــع الصـقار = وحش وخلـوي متنكرن والهــواء فــــــره تنكر علـي اعـصــــــــير طير الهواء بوار = عهدته جـنوب طريف شــــرقن مـن الحره آلا ياوجـــودي يوم تل الســــــبوق وطـار= دعـيته الين انبـح صـــــوتي مـــئة مــــره وهجــرن طويلن عـــاتقه والكفــوف كبار= شـــــريناه وكــبود الصــــقاقـير محــــتره عـريض الثنادي فارســـي مـــاعليه خيار= مشــدد ســـبع ماتســلم الشـرد مـن شــره تولعــت فــيه وراح والباقــــــي التذكـــار= هني مــن يشــوفه شـوف بالعـين لو مـره بعده الحــــرار الوافــيه فالعـــيون صـغار= علـى شـــان بخصــي فيه والناس مغــتره راع الولــع مـــرات كنه صـــديع شــــهار= يشـوف الجبل في عـينه اصـغـرمـن الذره يبي لابدى وقت القنص يبعـد المشــــوار= مــعــه نادرن راعـيه مــا قصـص الجـره يعوق الخـريش اللي يعجز بعض الاحرار= يبــي يكســي النامــوس راعـيه ويســـره وهـــو غــايتي والطــير لـه عـندنا مقـدار= ولاقـدر للــــي يجـمـــع المـــال ويصــــره وفالطين له قامــه وفالخــام سـبع اشـــبار= وفــي مــاتـرك دوامــت الــورث مـفــتره |
صح لسانك ياعامر الحجرف
ولا هنت على هذه الرائعه والله يعقل عليك ان شاء الله تحياتي لك |
صح لسانك يا عامر الحجرف قصيدة رائعة وجزلة
|
صح الله لسانك يابن حجرف
ولاهنت على ذا القصيده الجزله |
،، ،،، صح لســـانــك يا بن حجرف ، والله يعوضك بأبرك من الطيـــر والا الغلا ماعليه جدال, تحياتي لك وسلامي,,, |
عامر ابن حجرف صح لسانك جزززل ومبدع ومتميز لا هنت يالصقار تحياتي لك |
السلام عليكم ورحمة الله وبركاته
وبعد اخواني الافاضل والكرام فهد عبد المحسن ابوحمد الشامري عبدالله بن قنيفذ عايض آل مطلق شكر خاص للجميع على متابعتكم ومروركم وسلامي للجميع ولاهنتو على المرور وبيض الله وجيهكم وانتم الجزل ومروركم ومتابعتكم فان دلت وهي حبكم لي وشكرا من الاعماق للكل وتقبلو تحياتي . |
صح الله لسانك ياعامر
وإن ضاع طيرك فأبشر بالعوض والطيب مايجي منه الا الطيب لاهنت ياعامر على القصيد الزين ودعتك الله |
صح السانه
ولاهان عامر الحجرف والله يعطيه العافيه وفي انتظاره دائمن |
بسم الله الرحمن الرحيم
الي الاخوان سالم آل مخلص والاخ شبيب آل فنيس شكرا من القلب ولاهنتو على المرور وبيض الله وجيهكم |
| الوقت في المنتدى حسب توقيت جرينتش +3 الساعة الآن 11:30 PM . |
مجالس العجمان الرسمي