ذب الهواوي في طويلا بدابه=يبدع من القيفان في روس الامثال
يالله يالمطلوب منشي سحابه=يالي على الاراض تنشي بهمال
انك تسلم شيخنا من مصابه=وتسلمه يارب دفاع الاجال
ابوحزام شوق زاهي خضابه=شوق الهنوف الي كما ظبي الاسهال
شيخا على شيخا وكلا درابه=من مارثه خرصان ذربين الافعال
ياسعد منهو محزمه لا لتوابه=لا شب ضو الحرب عاقل وجهال
ترى الرفيق الي يعضك بنابه=فرقاه تشرا من كثيرات الاموال
جعله وداره يوم تقفي ركابه=عساه ما يذكر مع زايلا زال
خطوى الولد كوبان رزقه هبابه=ماهو يذكر للمناعير مدهال
وخطوى الولد سبعا وسبع ذيابه=مثل الفهد لا صاد لا صيده جزال
انا بني عمي تفك الطلابه=الاد مرزوق هل الدرع والشال
اهل القنازع جمعهم له مهابه=تزبن الخايف الي حده الجال
حكامنا ال سعود لا جا حزابه=تنطح الى ثارت مقابيس الادوال
حمايه لنجدا ومن في جنابه=ترثت هل العوجاء مروين الاسلال