|
رد: سجل أعجابك .. بأبيات شعراء المجالس .. فقط ..
الفراق ان حلّ .. بأعطيك الوصاه . ! حبّ غيري .. بس تكفى ( إحذره ) . ! إحذره .. يعنـي تشبّـح وش وراه ؟؟ كان حبّه صـادقٍ ..؟ لا تخسـره . ! / \ / (( مناحي الصميل )) |
رد: سجل أعجابك .. بأبيات شعراء المجالس .. فقط ..
عبداللطيف أبو ظهير .. الف شكر لك على الفكره الرائــعه ... . . سجيــن .. إي والله إني بالمحبـه سجين صدر علي الحكـم والوقت مـاله أمــان ... لاهـنت يا حظي المـايل وجرح السنين إلحيـن لو تعتـذر بقـول .. فات الاوان ... للرائـع : عايض العجمي |
رد: سجل أعجابك .. بأبيات شعراء المجالس .. فقط ..
ماراح في خيره ولاعـود بخيـر
وانا اتحـرا دمعتـي ليـن واقـت دمعة غلا ماهيب دمعـة معاذيـر رديتهالكنهـا غـصـب راقــت مسحتها بالعـز عقـب المخاسيـر واودعتها كف(ن) امن الجور ذاقت وضميتهـا ليـن امتلـن التعابيـر واسترسل الهاجوس والنفس ضاقت باسباب من قفى على غير تبريـر وارهى على بعد الدروووب وتلاقت اللي وصاله غير ومفارقـه غيـر حدب الضلوع لضم بلـواه تاقـت حسبي على وقتي وسـو التدابيـر اللي على وصل المحبيـن عاقـت يالله قسمة خير ولا عسـى خيـر الدمعه اللي في عيونـي وراقـت للمبدع / حمود بن فطيس |
رد: سجل أعجابك .. بأبيات شعراء المجالس .. فقط ..
فالبداية أسجل أعجابي بجميع ما قطفته اذواقكم من واحات شعار المجالس
واليوم أسجل اعجابي بشاعر عذب وصاحب معاني قوية وحضور جميل تدري وش أكثر .. ( حاجةٍ ) .. تستفزّك . ؟! وتوقّع بقلبـك .. ولا يمكـن تطـوف . ؟! واحد قبل .. ( عامين مـرّو ) .. يعـزّك . ؟! اليوم .. يمرّك .. بس .. ( ماكنّه يشوف ) . !! لـ المبدع \ مناحي الصميل :a36: يوم إن ربّي ما عطا غيرك عطاك قلوب خلـق الله عليـك تشدّهـا الناس حولك تكمله و انت الملاك تمشي معك وان كان ماهو بودّها ولـ مناحي الصميل |
رد: سجل أعجابك .. بأبيات شعراء المجالس .. فقط ..
صباح الخير اسجل اعجابي بـ : نبرة الأحزان في صوت السقيم=تجرح شعوري ولاتترك كـلام يذكر جروحه ليا هب النسيـم=ويذرف دموعه ليا حل الظـلام الفرح في دنيته رجل(ن) عقيـم=ماله ألا الصمت والشكوى ملام من صفحه ( وجه الزمان ) للمميز : عويضه الوقدان |
رد: سجل أعجابك .. بأبيات شعراء المجالس .. فقط ..
امسيت اشيّد لـك مـن الحلـم .. تمثـال واطليه .. بالألماس .. والـدر .. واللـول واصبحت .. ادور لك .. وحصلت الاطلال تسأل ؟ وانا عن جد .. مدري وش اقـول! / \ / ويش اقول لعيني .. اللي ما تعايـن غيـرك لا تمنّـت شوفتـك .. وانتـه بعيـدٍ عنهـا ادري انْك بخير .. لكن لا انحنى بك .. سيرك من يواسـي عينـي بفرقـاك .. ويطمنهـا! / \ / ابو الروائع (( خالد وبس )) :) |
رد: سجل أعجابك .. بأبيات شعراء المجالس .. فقط ..
الحب يكسـر خاطـر .. القلـب الحنـون=يهـز معلـوقـه .. ويكـسـر خـاطـره والشوق بعض احيان .. ضرب من الجنون=ماهيـب لحيـة شعـر .. والا خـاطـره لا والله الا صـوتٍ .. يـهـز الـركـون=ويبقى الصدى .. بين الغيـوم الماطـره! من أحد أروقـة ( شذى الجوري ) لـ المبدع / خالد وبـس |
رد: سجل أعجابك .. بأبيات شعراء المجالس .. فقط ..
مسيهم الله بالخير والايمان
هذي ابيات من قريتها وهي تردد علي دايم وفيها حكمة وزفير تـِصبـّر ... من صبـر للحمـل لآ ماهـو بخآيـب ومـن يشـك بقوتـه .. تبـرك ركآبـه \ / \ الله اقوى . يآ همومـي .. والمصايـب لآ دعيتـه .. فآتـح ٍ(ن) للعبـد ..بابـه أحمد الجوفان :a36: |
رد: سجل أعجابك .. بأبيات شعراء المجالس .. فقط ..
من حكمة الخالق وكيل المضاليم
هل المطر من يوم لوّحت يمناك ترا المطر هذا ماهو ماي من غيم هذي السما تبكي على حُر فرقاك للمبدع/ عايض العجمي |
رد: سجل أعجابك .. بأبيات شعراء المجالس .. فقط ..
أسجل أعجابي بــ
في نظرتي كلمة ( أحبـك ) مسبـه=لـو إنهـا تفـتـح قـفـول الصنـاديـق لا جات لـك مـن واحـد ٍ مـا تحبـه=وإلا حبيب ٍ .. شمّت إبك المخاليق للمبدع / العسر أسجل أعجابي بـ
من حكمة الخالق وكيل المظاليم=هل المطر من يوم لوّحت يمناك ترا المطر هذا ماهو ماي من غيم=هذي السما تبكي على حُر فرقاك للمبدع والمتميز/ عايض العجمي 1bh1 |
| الوقت في المنتدى حسب توقيت جرينتش +3 الساعة الآن 09:23 PM . |
مجالس العجمان الرسمي