مجالس العجمان الرسمي - الله يلوم الطير بعده يلوعي ..

السلام عليكم ورحمة الله وبركاته

هذه قصة مشعل الحبيني كان عند طير غالي عليه بالحيل ويسوى عنده اعيونه او اغلا
وفي احد رحلاته في القنص اطلق طيره على حبارى لكنها طارت وتبعها الطير
حتى ابعدن وتبعها صاحب الطير حتى انه حار او انقول اتسكر الطريق بوجه صاحب الطير لوعورة الطريق والشعبان حتى انه انقطع الارسال مع جهاز الطير وبحث عنه يومين
ولم يجده فعاد وكتب هذه القصيده في طيره ويقال انه من بعد فقد هذا الطير ترك القنص ؟؟؟؟

البارحه ياحسين مركاي كوعي
من العشاء لين اذن الفجر ياحسين
ماغير اسلي خاطري بالادموعي
مثل اللذي من يقضي الدين بالدين
كله سبب طيري حسين الاطبوعي
النادر اللي شوفته تطرب العين
اللي ليامني نهمته فزوعي
مثل الشجاع ليانهموه القربين
قمت اتذكر تلته لطلوعي
بخد قنص مافيه حروة اسبوعين
مادري ثمان ايام معهن اسبوعي
لاشك كنهن يابن الاجواد يومين
وفي تالي المقناص يوم الربوعي
اتلا العهد به راح يلوا الجناحين
اقفى ورا خربن مصدر جزوعي
متذير واللدفت من عقب طيرين
وسقنا معاهن وسط خدن منوعي
اقفن شمال ومبعدات عن العين
الخرب صامل والنداوي قطوعي
حال الوعر من دونهن والشعيبين
وقفت ادربل مير مامن اسنوعي
وقالو جهاز الطير مانسمعه زين
واجهدت رجلي بكل رجمن رفوعي
ارقى والاوح وادبل الصوت صوتين
وماقصرو وقت المنافع ربوعي
واخذت في جو القطامي نهارين
لاشك طيري مانوى للرجوعي
وانا بعد حدرت يم البلادين
ماكان ودي ان المفارق فجوعي
ليته موادعني سوات المحبين
الله يلوم الطير بعده يلوعي
خلاني اسهر والمخاليق ممسين
عساه يسلم من يدين الطموعي
اللي على النشات يخفي البراهين
والا الرجال اللي تعرف الاسنوعي
تلقى على حجله مع السبد رقمين
والا عساه بنازيات الاتنوعي
ورزقه على اللي خالق الناس من طين
ومن ماجرى ياحسين قلبي قنوعي
لو كان عقبه خاطري صايرن شين

http://www.youtube.com/watch?v=GOc_9_rwcXU