يا الهي يا عظيـم وياحليـم & عفوك المسـلم يحقق به رجـاه
هذه قصيدة تحمل مشاعر متلاطمة .. غاضبة خرجت من قلب جُرح حينما أقدم صحفيون دنماركيون ومن على شاكلتهم ممن لا يعرفون مقدار الرحمة المهداة للبشرية محمد بن عبدالله - صلى الله عليه وسلم - الذي حمل مشاعل النور والهداية ودل على سبل الخير والفلاح ، فوصفوه بما هو بريء منه وألحقوا بشريعته ما كان ينهى عنه - صلى الله عليه وسلم - من الظلم والإرهاب..
--------------------------------------------------
يا إلهـــي يا عظـــــيم ويا حلــــيم=عفــوك المســلم يحقق به رجــــاه عذت بك من كل شيطان ٍ رجيم=وأســألك عن كل مكــروه النجـــاه هالنا ما صاغه الفكــــر الســــقيم=باع عقله واشـــترى غيّ وســـفاه وامة الإســــــلام بالعقل الســــليم=تعرف الهادي..ومَن هو في حماه وتتــبع دينه على النهج القـــــويم=وتعــلم إن الله شـــان ٍ من شــــناه ميّـــزه باللين والخـــلق العـــــظيم=والكتــاب اللي ينــــوّر من تــــلاه نزّهه مــولاه بالذكـــر الحكــــــيم=وخلـــّـــــد التنزيه له طول الحـياه بالفلاة وبين زمـــزم والحـطـــيم=يتـــــردد بالأذان وبالصــــــــــلاه وان تطاول حاقـدٍ والا غشـــيـم=قيل حــدك كـل خـــير ٍ في هـــداه المغــالــط والمكــابر واللـــــــئيم=خاســر ٍ ســـعيه وســعي اللي وراه لا تجلا البدر في جوف العتــيم =أبصر السـاري..ولا تاهت خطــاه كل من في مهبط الوحي الكـريم=لا بدا الواجـــب يلـــــبي له نــــداه ----------------------------------- شعر الأمير عبدالعزيز بن سعود بن محمد آل سعود |
صح لسان الأمير عبدالعزيز ولا هنت ياالنادر على الأختيار الزين والقصيدة الجزلة
|
ومن قال ما يهون , صح الله بدنك , شرفت القصيده ونورت الموضوع
الف شكر . |
لاهنت اخوي النادر على الاختيار
وصح الله لسان السامر تحياتي لك |
صح لسان الأمير عبدالعزيز ولا هنت ياالنادر على الأختيار الزين والقصيدة الجزلة
|
الوقت في المنتدى حسب توقيت جرينتش +3 الساعة الآن 04:49 AM . |
مجالس العجمان الرسمي