يارب أنا في روض عفوك تنحيت =عن البشر وذنوبها جيت تايب
وعن سربة الغاوون يارب صديت =لاجئ بوجهك عن دروب النوايب
اصبح على ذكرك واناجيك لمسيت =وارفع بكفين الرجا ولكْ . آيب
اغفر ذنوبي يامقدس حجا البيت =لاصرت عن دنيآي راحل وغايب
في حفرة(ن) واسمع وانا الراحل الميت =قرع الخطى من عند روس النصايب
راحو هلي بقيت وحدي وناديت =عاد الندا في وسط الاظلاع هايب
لابه لقب/ لا شعر/ لامجد/ لاصيت =ولاعاد به فزعات ربع وقرايب
ظلام موحش ضيق ف اقصاه حليت =موقف يخلي صم الاحجارذايب
الصمت مطبق ف الزويا وانا اصغيت =والخوف اخذ من كل الاركان نايب
واقبل ملك يسئل يحاسب ورديت =بللي عملت ودمع الاجفان رايب
مشهد يموت به الحكي غير ياليت =ودربِ يخلي حاجب الطفل شايب
يارب قبل الموقف اللي ذكر جيت= ولاتردني يارب الارباب خايب
انا اعترف في دنيتي غصب سجيت=احسب عدال الدرب , والدرب عايب
ذنبي تعاظم والعفو منــــك لخطيت=ورحمتك ساقت للهشــــــيــم السحايب
ومهما غفلت وفي ســـباتــي تماديت=ومهماعلى الرغــبــــات سقت الركايب
اليوم انا في اعتاب عفــوك تـنحيت= مستغفر ِ شاكر لفضــــلك وتـــايب

المشاركة الأصلية كتبت بواسطة ناثرة الورد (المشاركة 1093301) {{ عزوتي دوسريهـ }} / \ / مشكورهـ على هالاختيار الرائـ ع الله يـ ع ـطيكـِ الـ ع ـافيه وعساكـِ على القوه ننتظر جديدكـِ المميز / \ / كل التحـــيهـ

المشاركة الأصلية كتبت بواسطة لليمين در (المشاركة 1093418) تسلم يمينش على الاختيار الجزل والمعبر والذوق الراقي في الاختيار وصح لسان الشاعر سلطان الركيبي