تكفى يابو مشعل تطلع لنا الذيب= حيث الذيابة طال عمرك قلايل
صح ابن راشد يخطي أحيان ويصيب=وصح انه اقشر مير ماله بدايل
يا أمير ياراع الكرم والتراحيب= ياللي بحكمتك اتعدل كل مايل
يا أمير يارع الوفا والمواجيب=ياللي بطيبك يضربون المثايل
محمد ابن الذيب ذيب المراقيب = تراه لو أخطا علومه جزايل
ياما عطت يمناه يا سيدي طيب=وياما فزع مع طيبين الخصايل
ماني بابن عمه ولالي مطاليب=مير أشهد إن الذيب راعى جمايل
وياسيدي بجاه عكف الأشانيب=عليك جاه الله وجاه القبايل
عودتنا بالعفو يا راعي الطيب=وعلمتنا كيف العفو والصمايل
فيك الهقاوي يا حمد ماهي تخيب=ونقلت لك هقوة عيال الحمايل