ماغيرك احدن ليا مني تباطيته = جيته .. من أقصاي بحمول الغلا عاني
غيرك لو انه يصوتلي تعديته = جعله إفدْا الصوت .. وافدْا لدت اعياني
وما كل من رحب وهلا تنصيته = لو كان لا مر دربي ماتعداني
ولا كل زولٍ ليا مر حييته = ولا كل برقٍ ليا من لاح يشعاني
( صبحك بالخير ) .. يا أغلى من تمنيته = لو كان ماهوب حقٍ منك تنساني

عز الله إنّي على مشهاتك أفطـر و أصـوم = مانيب ناسي غلاك اللـي لحكمـه خضعـت
لو إني أسمـع كـلام العـاذل اللـي يلـوم = في حبك , إن كان من هاك الزمان إمتنعـت
قول إنّ الافراح مثـل العافيـه مـا تـدوم = بس إنتبه لا تقـول مـن الغـرام إنخدعـت

بيض الله وجه كلٍ في محلّه = أنت والفرقا وجرحي واحتمالي
بعد أنا مليت من طرد الأهلّه = شرهتي تبقى على سود الليالي
هي ويتبعها سفير الغبن كلّه = النهار اللي لفا بك في خيالي
ثم ترخصني وأنا ماجبت زله = وأنت تدري مارخصت لسواك غالي

الحزن فيني غدا بين الحياه وبينك =دام قلبك سارقٍ قلبي وهو فإمهاده
مير .. لا حطيت كفيني على خدّينك =مات حزني والسعد فيني بدا ميلاده
كل مرّه نلتقي فيها .. تزيد بزينك !=كنّ .. وجهك فيه تغيير الملامح عاده
وان تجمّعنا سريت , وضعت في ليلينك=ما يقديني بها .. الا نارك الوقّاده
فيك حاجه .! من شعر راسك ليا رجلينك =يطمع إبْها من يشوفك لو وراه احفاده
مير لا تومي بعينك ليّ .. (لبا عينك)=اقعد اسوّي لي اشيا والعرب نقّاده
ويق .. من عيني على قلبي وقلّي وينك=كلّ لحظه مرتبة حبّك تزود زياده
ما نبت ورد الغرام الا على كفّينك=يا بعد جور الزمان , وسطوته , واعناده

الكلمه اللّي على بالك و مخفيها = قلها على عشان اقول اللّي على بالي