صوت المطر
السلام عليكم ورحمة الله وبركاته اسعد الله اوقاتكم بكل خير ,,, قصيده متواضعه آمل ان تنال على اعجابكم ورضاكم
ياما حلى صوت المطر بالغماره=لاصار وجهك في طريقن جنوبي قبل الفجر والصبح غايب نهاره=على وميض البرق اسلك ادروبي مزن الغمام السود هلت ابشاره=اجبال البرد والسيل منها يجوبي وصوت الرعد يدوي كما صوت غاره=مدافعن تقصف بداية إحروبي معاي قرمن ماتغير مساره=الراس دايم للمعال امعصوبي يامر يمينه مايشاور يساره=يضحك إحجاجه للخوي ومحبوبي ياصاحبي شرف براس الزباره=النايفه,, اللي اتكود الجيوبي اطلق عنان اشوف مد انتشاره=شوف الخباري يجلي هم القلوبي شب الغضا ياصاحبي شب ناره=انفوسنا تطرب بشوف الشبوبي قرب علي البن قرب ابهاره=قبل نزول الشمس وقت الغروبي اشبح هذاك الروض زاهي خضاره=بيت الشعر باين بوسط العشوبي العشب زاهي تعتلي به ازهاره=ريح النفل ياتيك من كل صوبي والجو,, يسواله بلندن عماره=بعيد عن وجه الردي والكذوبي ترى الردي خوته خوة خساره=لاجار ليلك زاد فيها الهبوبي نقل الحكي في وسط عينه شطاره=بين العرب دايم تشوفه يلوبي اتعب على اللي طيب الصيت كاره=اللي على الطولات شهم امحسوبي يمناه ماشحت لضيفه وجاره=نفسه نزيهه عن جميع العيوبي وسلامتكم ورضاكم |
رد: صوت المطر
وعليكم السلام ورحمة الله وبركاته
وانت ساالم .. صح لساانك ع القصيدة ولااهنت .. تـــرى الـــردي خـوتــه خــــوة خــســاره.......لاجــــار لـيـلــك زاد فـيـهــا الـهـبـوبــي وانا اشهد .. تسلم .. يعطيك العاافية ~ |
رد: صوت المطر
القدير / مترك العمره
صح لسانك مدد كتبت فـ ابدعت لله درك تحيتي وتقديري |
رد: صوت المطر
ياسلاااااام
ابيات قمه في الروعه صح السانك |
رد: صوت المطر
صح لسانك يا ابو نايف على القصيدة الرائعة
|
رد: صوت المطر
اقتباس:
يامرحبا ومسهلا سعيد بهذا الحضور ,, وصح الله بدنك,,,وتسلمين على هذه المشاركة العذبه تحياتي لش وتقديري |
رد: صوت المطر
مترك العمره
قصيدة جزلة وابيات مميزة صح لسانك . |
رد: صوت المطر
صح لسانك مدد
تقبل مروري |
رد: صوت المطر
اقتباس:
ياهلا والله وغلا سعيد بهذا الحضور العذب والعطر ,,حضورك شرف,,,وصح الله كلك,,وتسلمين على هذا الاطراء الجميل تحياتي وتقديري لشخصش الكريم |
رد: صوت المطر
السلام عليكم ورحمة الله وركاته
والجـو,, يسوالـه بلنـدن عمـاره بعيد عن وجـه الـردي والكذوبـي انا اشهد انه جزله يابن عمره وصح لسانك والله لايهينك والبيت هذا عن قصيده ولاهنت |
الوقت في المنتدى حسب توقيت جرينتش +3 الساعة الآن 04:42 PM . |
مجالس العجمان الرسمي