مـن مُـبـلـغٌ عـنـي أعـضـاء الـفـلـس مـنـهـو....!!
ودي أسولف وأجيب العيد بالعاني=أرثي لحالي وحال اللي تعزواني. شعبي وشعبي وحب الشعب ماليني=كويتي دمي وعز الأرض نيشاني. من مُبلغن عني أعضاء الفلس منهو=أهل المزامير وأهل الليل ياداني. أو مُبلغن أي شخصن واهم إفـ بشته=إمن الحكومه ترى هذا الأمر فاني. لعبة شعارات وإنفوس البشر خلقه=فيها من الحزن ماتحكيه الأعياني. إهمومنا باقيه وأوضاعهم زانت=والمال فايض وجل الشعب هلكاني. لامن سلمنا من المخلاب جاك النّاب=نسكت نعاني..نصيح!..إنقول!..وإنعاني. مره تقول الحكومه حن ملاذ الشعب=والشعب يامر وأنا له طوع متفاني. ويصرح المصدر المسئول متسكب=الوضع جيّد وكل الشعب بطراني!! الأخ نايم ثقيل مكثّر العيشه!؟=ياضايع الشعب مهمل وأنت مرضاني. حنا شبعنا وهم ووعود كذابه=إعيوننا للسما والمزن ماباني. قل المعاشات والإسكان والصحه=والمستوى التربوي والخافي أبكاني. من بعد ماني كويتي رافعن راسي=صرت أتساوا مع جنجير الأفغاني!! ياخيرنا للبعيد وشرنا فينا=الهم مثل الجبل والغير شمتاني. الإمعه كل أمره سالك وعايش=والمقتدر سارق الديره وطفشاني! (أما رجال المواقف والوطن ضاعوا)=(مابين حب البلد والوضع الأنساني) إلي متى لانرى لانسمع ونحكي=هذي بلدنا مهي لفلان وفلاني. والله مدري أخاف أقول وأتكلم=ثم أتعزب هل التاميل هرباني!! لكن مالي سوا صوتي وأهيجن به=وأرفع شعار التمرد..وأفضح أحزاني. ماهي كتابة تملق أوزيادة صيت=هذا لسان الحقيقه ماهوب إلساني. موروثنا إنهدم من زمرة الفساد=من نافخ الكير لين الحج برهاني. ياشيب عيني وياوجدي على حالي=لاواحسافه على ذربين الأيماني. صرتوا سوات (الكيا)تجميعكم كوري=وإلا قبل حيّكم تصنيع ياباني. حالت ترهل مابين الماضي الحاضر=يزهابها كل خاين في ثرى أوطاني. عشنا وشفنا رجالن تنبذ الفتنه=واليوم مدري من اللي ينبذ الثاني!! لكن عزانا في حاكمنا وأسرتنا=أميرنا عزنا في كل ميداني. صباح الأحمد ولي الأمر والدنا=العمر لجله يباع إبرخص الأثماني وآل الصباح الكرام إمعربين الجد=أهل الولا والفخر للعز عنواني. هذا ولائي ولاأرضى بتبديله=بأمر الصباحي أبيع الروح متغاني. يمكن كلامي يضايق بعض خلاني=ويمكن كلامي يفرّح قلب عدواني. ويمكن أضايق حكومتنا ومجلسنا=ويمكن يصفق لي القاصي مع الداني. بس الأكيد الصراحه يازمن راحه=أنام مظلوم لاظالم ولاجاني. لوإسجنوني بكون إبقمة أفراحي=مدام حالي يساوي حال سجاني! |
رد: مـن مُـبـلـغٌ عـنـي أعـضـاء الـفـلـس مـنـهـو....!!
محمد المجول
صح لسانك وبيض الله وجهك علي القصيده مأسة الوضع الذي نعيشه ترجمتها في هذه الابيات الجزله وصح لسانك وتقبل مروري وفالك طيب |
رد: مـن مُـبـلـغٌ عـنـي أعـضـاء الـفـلـس مـنـهـو....!!
اقتباس:
فالك طيب صح الله بدنك نفداك لازم يكون لنا وقفه على جميع الأصعده بخصوص الوضع الراهن لاهنت على المرور الكريم تقبل تحياتي أخيك |
الوقت في المنتدى حسب توقيت جرينتش +3 الساعة الآن 06:57 PM . |
مجالس العجمان الرسمي