|
وكيف أبقطف من غصون الليل نور
برد التعب لاضم جمر التباريح ............. يعتق رماد الأمس من برد بكره لاتلتفت للي حضن خنجر الريح ............. يكفيه من طول المسافات عثره ! خافقي مازلت بالذكرى تزور ....................... المكان وطفلته وآخر عمرْ خافقي مازلت مُورق بالشعور. .................. لو سنين الصبر تحتاج لْـ صبرْ خافقي والعمر في عمر الزهور ................... كان يسئل كم ذبل فيني زهرْ خافقي لو كنت في بوحك جسور ...................... ماثملت /أوراق هالغربه دهرْ تحطب بفاس الوجع دمعٍ طهور ....................... وتشعل بْجوفي تناهيد وجمرْ لو لمحت بنظرة الغايب حضور ................. ماجرحت أحداق جفنيني سهرْ كيف أمرّر ضيقتي قبل السطور ............... تترك لْـــ كلماتها فيني آثـرْ وكيف أحرّر خطوتي بعد العبور ................ للزمان اللي عطى حلمي / ظهرْ ( وكيف أبقطف من غصون الليل نور ................. دام مالي / في شجر صبحي ثمرْ ) الحنين / اللي ملى قلب الصبور ............... ما لقى من لحظة وْداعك عذرْ ! |
رد: وكيف أبقطف من غصون الليل نور
تحطب بفاس الوجع دمعٍ طهور
....................... وتشعل بْجوفي تناهيد وجمرْ بيت رائع جدااا ..... والقصيده كلهاا رائعه صح لسان شاعرهااا .... وتسلم يمين ناقلهااا .... |
رد: وكيف أبقطف من غصون الليل نور
ماشاء الله كلمات جميلة وسطور متألقة بشعور رائع
صح لسان شاعرهااا .... وتسلم يمين ناقلهااا .... |
رد: وكيف أبقطف من غصون الليل نور
الحنين / اللي ملى قلب الصبور
............... ما لقى من لحظة وْداعك عذرْ رائعه كروعتك يامليحه صح لسان شاعرها وناقلها :) لاعدمناك |
رد: وكيف أبقطف من غصون الليل نور
مششكورين على المرور
|
| الوقت في المنتدى حسب توقيت جرينتش +3 الساعة الآن 05:48 PM . |
مجالس العجمان الرسمي