ضيعت وقتي بين حبر وقرطاس....
 

يكذب وكنه قايـل الصـدق باحسـاس ,,,, وبان الصحيح وبيـن الوقـت خافيـه


لا واعذابي ضعت من بيـن ذا النـاس ,, والصدق يا اهل العرف يا وين راعيـه


يقول حبـك يالغـلا تـاج ذا الـراس ,,,,,, واثـره يقـزر وقـت والله يجـازيـه


ضيعت وقتي بين حبـر(ن) وقرطـاس ,,,,, ابدع بيـوت الشـوق واقـراه يوحيـه


ويقول والله ما خلـق مثلـك اجنـاس ,,,,, ياعمر شخص فـدوت عيـون غاليـه


واثر السوالف كذب والوضـع دنفـاس ,,,,, يلعب علـى الحبليـن بانـت مواريـه


وقلبه مع اللي ضبـط الغـدر بالكـاس ,,,,, واسقاه ليـن القلـب كثـرت شهاويـه


لاباس يا بنت العـرب قلـت لا بـاس ,,,,,, بسكت واجامـل دون هـم ومشاريـه


يا غبنة(ن)باقصى الحشا تنجي الـراس ,,,,, متحسف(ن)من عقـب مانيـب شاريـه


حالي تغير واصبـح القلـب حسـاس ,,,,,, واصبحت مثل اللـي لسانـه يحاكيـه


والرب عالـي يرحـم العبـد لا داس ,,,,,,,, قلبـه زمانـه يـوم ماهـوب قاويـه


لو حن سلمنا من زمـان بـه انجـاس ,,,, كان الضمير ارتاح مـن هـول مافيـه


وجدي على عمر(ن) مضى دون مقياس ,,,,, وجـد الفقيـر اللـي ديونـه تنـاديـه


ويا وجد حالي كل مازفـت الانفـاس ,,,,,, وجد اليتيم اللـي فقـد شـوف اهاليـه


وياوجد قلب ضاع مـن بيـن ذالنـاس ,,,,,, وجد السجيـن اللـي همومـه تباريـه


وياوجد فالح وجـد لولـو لـدواس ,,,,,,,,, يوم العجـوز تصيـح وتقـول مابيـه

وسلامتكم
فالح العرجاني

فالح صح السانك مليووووووووووون ولا يكفووووون


ولاهنت يالسنافي قصيده جزله من جزل

تحياتي

صح بدنك ياذيب

ومن قال

لاهنت على المشاركه الطيبه

صح لسانك يافالح مليون .. لا هنت على ذا القصيدة الجزلة

صح بدنك يبن عمي

والله لا يهينك على المشاركه الطيبه

لاهنت يبن عمي على المرور

ومشكور ويعطيك الف عافيه

فالح صح السانك مليووووووووووون ولا يكفووووون


ولاهنت يالسنافي قصيده جزله من جزل

صح لسانك يافالح

ولاهنت قصيده رائعه

تحياتي لك

صح اللسانك يالصامت

قصيده رائعه ومتميزه بنتظار جديدك القادم

تقبل منى خالص التحيه