قصيدة شاعر من قبيلة ال مطلق في آل العرجاء
 

يالله يللي بفضلك دوم منبرجه
يللي عليك أتكالي بأول وتالي

ماغيرك ادعيه وأهل الشك منحرجه
وماغيرك يجيبني ياعدل ياوالي

يقال من خاف ربه في ألخفا يرجه
وأنا رجوته بحق الرسل وآل الي

والشعر بحرٍ نميز لولوه ومرجه
والفكر قناص صيد وصيده جزالي

وأنا من اللي يثمن فعله بهرجه
والهرج بعضه سمان وبعضه هزالي

يصهل حصان المعاني وامتطي سرجه
واشوش وأنا عريب الجد والخالي

من ال عجفا ليوثٍ تقطع الفرجه
في ساعة الخوف رجليه وخيالي

يوم أشهب الماو فوق الروس مندرجه
كم شيخ قومٍ حذفنا به على الجالي

حفظت بيتٍ صدق راعيه في هرجه
رواه لي شايبي والصدق ينقالي

ياشيب عيني لما لحقوا بني عرجه
كأنهم سباعٍ تعاوى بطنها خالي

نواصي خيولهم بدماء العدا ضرجه
وأهل النقا والوفا حماية التالي

وإنحور حرابهم بالشلف منفرجه
ودون إبلهم يرخصون النفس والحالي

وعقول عدوانهم بالخوف منمرجه
ومحنكين البكار السمر برخالي

ومثبتين الحدود بساعةٍ حرجه
ومرسمين العدود بكل منزالي

قصرٍ منيعٍ يذري شامخٍ برجه
من جر تثليث لين عروق تصلالي

__________________