مجالس العجمان الرسمي - سلامي على العجمان تسليمة الشجعان

مجالس العجمان الرسمي (http://www.alajman.ws/vb/index.php)

- مجلس الشعر النبطي (http://www.alajman.ws/vb/forumdisplay.php?f=26)

- - سلامي على العجمان تسليمة الشجعان (http://www.alajman.ws/vb/showthread.php?t=60588)

سلامي على العجمان تسليمة الشجعان

سلامي على العجمان تسليمة الشجعان=على شيخ قومن لاغزا ماحدن رده
عشق في حياته سيف عز ودرع وحصان=وغرون تغنج بالدلع يارقن خده
شجاعن كريمن في المواقف وسيع ابطان=لاقبل عليه الضيف مايعرف الصده
مثل ذيب بن هدلان ولامثل راكان=شهب السنين العوج مابيحت سده
يسوق الركاب اللي مرابيعها الصمان=وفي شف ذوده يتبع الشده الشده
ياضيدان بن قضعان والطيب له عنوان=ولا البس الرجال ثوبن مهو قده
ياصفوة هل الابداع يامسخر القيفان=مشاعر تجاهك في خفوقي لها مده
لفتني القوافي تشتكي الهجر والحرمان=وتهل الدموع وصبرها واصلن حده
تقول انقذوني لاهويه ولا عنوان=سبب واحدن مايارث الشعر من جده
يعسر القوافي عسر ويكسر الاوزان=ولاقلتله هذا خطا قال من قده
وبيت الشعر ماياقف الى على عمدان=ولاجاد ساسه ماحدن يقدر ايهده
ويوم استجارت قلت هذا الحكم ضيدان=رجل يقول الحق والصدق بيعده
اعرف القصيدة بنت عز وغلا وحسان=محشومتن عن لطمة العين والخده
واخبر الشعر ياتي وراثه من الجدان=طيرن ينومس راعي الصيد لاهده
ياشعار ياساحه يابن الذيب ياسلطان=ترا ذي رسالة شاعرن وده اوده
نبي وقفتن تقضي على ثورة العميان=اللي على اكتاف المشاهير مشتده
دعات المثاليه تراهم من النقصان=وهم في الحقيقه لازهابن ولاعده
تبين حقيقتهم لاياطبو الميدان=في ساعتن يضفر بها الضد من ضده