يابو محسن وش جرالي وش حصل= ما جرالي بالهوى شيئ(ن)عجيب
سهم نظره من عيونه بالعجل= صابني بالقلب واصبحت الصويب
ظلمها في عين عاشقها عدل=وبعدها في ناظري جداً قريب
تسقي العطشان من نهر العسل= هو علاجي بالهوى ليّّه طبيب
الجدايل فوق متنه والخصل= فوق هذا ما بها شيئ(ن)يعيب
له شبيه(ن) بالسماء منّه خجل= ليا تبين صاحبي اشقر سبيب
جامعه كل الوصايف والمثل= كامله بالعقل والمنشا عريب
عطرها ريح الخزامى والنفل= في رياض(ن) نبتها ليه يطيب
عايش(ن)دنياي في رجوى وامل=عل رب الكون يجعل به نصيب
اشتكي لك ودي بلم الشمل= يابومحسن انتظر منك المجيب

ما جرالك يالسنافي محتمل= دايم(ن) درب الهوى امره غريب
مرة(ن) يرفعك في راس الجبل= ومرة(ن) يرميك في بطن الشعيب
انت ماشي في طريق(ن) متصل= آخره مثل اوله درب(ن) تعيب
يا حمود اشوف انا جسمك نحل= والسبب كله من افراق الحبيب
يوم وصفت الجمال المكتمل= بان لي كيف انت يالنشمي صويب
صادك المزيون بسهوم الغزل= والهوى طبعه على العاشق غليب
اشتكيت وجيت انا لك في عجل= فزعة(ن) يالله عساها ما تخيب
والله اني لجعل الصعبه سهل = لجل عينك نركب الامر الصعيب
مهرها عندي ولا ليّه فضل= واجب(ن) لو راح مالي له ذهيب
وفي النهايه فرحة(ن) عقب الزعل= يجتمع فيها حبيب(ن) مع حبيب

الاخ \ ابو محسن

صح لسانك يالغالي ... وصح لسان الشاعر العنزي ... ردية اكثر من رائعة

تشكر على ايراد هذه القصيدة وكتابتها

تشكر


المشتاق

الاخ الشاعر \ نايف

حياك الله وحيا الله الشاعر حمود العنزي .. وصح الله اللسنتكم .. ولاهنتو قصيد جزل .. من روس جزال .. قصيد اكبر من تعليقي عليه

تحياتي لك يابو محسن

وصح لسانك ولسان حمود

تحياتي

اخوك \ فهد بن محسن