سلام مني للرجال الوفيه = بعداد ماينبت على روسنا الشيب
سلام مني ياحسن والتحيه = من راس هادي ساقها بالتراحيب
من طيب راسك قلت حق(ن) عليه = اني لقول الشعر في راعي الطيب
تدري ليا جاني ولد من سميه= حسن ليا شانت وجيه الاصاحيب
اسمه على الي ماتجيه الرديه= حيث ان ساسك ماتمره عذاريب
اهل الكرم وأهل الوفا والحميه = هاذي حقيقه والليالي تجاريب
تعجز حروف الوصف والابجديه =تعجز دواوين الشعر والمكاتيب
ماتوفي الهتلان حتى شويه = ولاتوفي الخرصان ومخاوي الذيب
وكلن على ماقيل يمدح خويه =خيالة البل يوم قل المشاريب
ابيات من هادي وجاتك هديه = عطرتها بالعود الازرق مع الطيب

قريت قيفان (ن) لها جاذبيه=والذيب لا منه عوى جاوبه ذيب
يامرحبا ترحيبة (ن) حاتميه = يا ابن الصدي واثني عليك التراحيب
يالله يا كاشف خفا كل نيه= يا رازق(ن) كل الملا دون تحسيب
يالله ماغيرك له المقدريه=ترزق خويي ويتبارك له الصيب
يستاهل ابن حفيظ زبن الونيه=ريف الرجال ومنزله فالمراقيب
راع اليمين الطاهره والسخيه=سمح الجناب وكاسب المدح والطيب
بانت به سلوم العرب الأوليه=نسل الرجال اللي تعرف المواجيب
اهل العزوم الطايله والقويه= وأهل القنا والمرهفات المخاضيب
هم محزمي والدرع في كل هيه=اهل الجموع اللي اعداهم معاطيب
من روس ربع(ن) ماتهاب المنيه=مركاضهم يشبع به الطير والذيب
كم شيخ قوم(ن) يحتمي في خويه=لا شافهم بسيوف هند(ن) محاديب
هذا مردي واسمكم زاد ضيه=تستاهلونه دون شك(ن) ولا ريب
وصلاة ربي ختمها في نبيه=بعداد ما تشرق بها الشمس وتغيب

المشاركة الأصلية كتبت بواسطة عليل المحبه (المشاركة 1211470) الله الله صح الله السانك يابو فهاد والسان حسن بن عبد الرحمن ولاهنت جعل عمرك طويل