قارئــــــــــــــة الكـــــــــــــــف
ياقارئة كفي سكوتك طال وانتي تنظرين=بالله قولي وش سكوتك له وش اللي من وراه ياقارئه سايق عليك الله رب العالمين=تحكين وش بين معك في كف من وصل مداه نظرات عينك وان كتمتي تكشف اللي تكتمين=كني لمحت بنظرتك هلاك نفسي والشقاه لاتسأليني ويش برجي واسالي القلب الحزين=هوبين برج الثور والعقرب توافق في الحياه انا لو اني ما انتظر من عقب نكبتها تزين=كني عن الجيه لدارك يالغريبه في غناه جيتك وفي قلبي من الامال مالا تعلمين=واللي لمحته في عيونك حطم القلب ومناه ياقارئه واللي حداني لك متاهات السنين=والليله اللي حملت قلبي بحملٍ ماقواه اسوق رجلي تحت حكم القلب ورايح الحنين=والليل مايسوى متى ماغاب بدره من سماه بس الحكم لله لو لي بالتعاسه تحكمين=ولكل شخصٍ في حياته مبتداه ومنهاه تجري الرياح وكل ماهب الهوى في كل حين=صفقت بالكفين كني من فقد شوفة ضناه علمي بنفسي رافع الهامه وراسي والجبين=من نسل قومٍ لاتمادى خصمها تلعن ثواه شاعر جنوني معتبر وافوق كل المبدعين=لازرجمت حيل القصايد سقتها سوق القطاه حقي لو افخر في قصيدي وان نهوني العاذلين=عيا الشعر ماينتهي فخره بمن مثلي رواه ساحه وشعار وقصايد بين زين وبين شين=والكل منا يعتبر نفسه فريد بمستواه لولا اختلاف الذوق والنظرات من عينٍ لعين=لما توصل عاشق الشهره لغاية مبتغاه لكن ترو ماكل بيتٍ يحمل المعنى الثمين=ولاترو من يحمل البندق يعد من الرماه من لايشاور في بعض الاشيا رجالٍ عارفين=ماحنته كلمة قفى الحساد وهروج الوشاه ياقارئه هل ينتهي بي الحب والجرح السمين=الى ان اخضع وانكسر واطيح من فرقا فتاه خشفٍ محاسنها الفريده بهجةً للناظرين=ماتشبه الا نفسها مامثلها ظبي ومهاه صحيح لو ماكنت في دنياي سيد المدبرين=ماكانها راحت دبي وانا بنجران وعناه قضٌيت معها خيرة ايامي على عسرٍ ولين=الين ركبني الزمن دربٍ نعى الله من بغاه يالشامخه لامن قريت حروفك اللي ترسلين=هلت دموعي كنها وبلٍ سكب للقاع ماه والله يلولا الخوف منك ياعذابي تزعلين=لا اقول كفي عني المرسول لاربي سقاه اضيق لامن قريته ثم لقيتك تشتكين=وانا ظروفي دون وصلك وصلت حيلي قصاه صابر عسى الله ياهوى بالي يعين الصابرين=ولايضيع من طلب عونه ومن عاش برجاه يجمع شتات الشمل بعد الظن ان لا ترجعين=ويكذب اللي وهمتني في حياتي بالشقاه |
رد: قارئــــــــــــــة الكـــــــــــــــف
اخوي مسفر صح السانك والسان شاعرها ولاهنت على النقل الجميل
|
رد: قارئــــــــــــــة الكـــــــــــــــف
أررررحب يبو بدر ولا هــنت ياذيب علــى مرورك
|
رد: قارئــــــــــــــة الكـــــــــــــــف
اخي
مسفر صح لسان شاعرها و تسلم يمناك على نقلها |
رد: قارئــــــــــــــة الكـــــــــــــــف
ابو مبارك لانت وصح السان شاعرها اخترت لنا واجدت في اختيارك يالسنافي
|
رد: قارئــــــــــــــة الكـــــــــــــــف
راعيــــــــة الذووود لاهنتــي على مرورد فديـتــك والله يعطيــش العافيــه
|
رد: قارئــــــــــــــة الكـــــــــــــــف
أرحــب يمحمــد أشكرك علــى مرورك والله لا يهينــك
|
رد: قارئــــــــــــــة الكـــــــــــــــف
جيتك و في قلبي من الآمـال مـالا تعلميـن=و اللي لمحته في عيونك حطم القلـب و منـاه عـــــــــــزاه..صح لسان شاعرها .. << أحس إنه ابن سميطان... ؟؟ و صح نقلك يا ابو مبارك .. تقبل مروري و تحياتي.. |
رد: قارئــــــــــــــة الكـــــــــــــــف
أرررحب يامسعطـــر وبالفعــل القصيــده لبو سميطــان مهدي
أشكرك علــى مرورك والله لا يهينـــك |
الوقت في المنتدى حسب توقيت جرينتش +3 الساعة الآن 04:19 AM . |
مجالس العجمان الرسمي