غلا الاحباب
تريّث قلبي وعقلي على منحك غلا الاحباب = وسرعان أيّد اشعوره نقشت اسمك على صدري وكنّه ينبض لدمّك وكنّه من دمـِي مرتاب = مخلص صافي النية وزاد الشوق مع صبري انا لو انظرك لحظه يهوّن ما مضى بغياب= ويزيد الدامي اللي زاد جروح ٍ عاشقه سهري عشقت اجاذب الونّة عشقت اشرّف بمرقاب = عشقت اسهر لجل ارسم ملامح منك في فجري تشابه للفجر طله ونورك بالشعاع انساب = جمال الكون لو يوصف يقدّر من جزء عشري نجوم ٍ تزهى بالعتمة تشابه للشعر بحساب = وبدرك قاهر الكوكب ولا مواجه لها يطري حروفك كالمطر والسمع منّي كالقفر اجداب = وانا في مسمعي جمر ٍ وصوتك يطفي لي جمري ديارك قاربت من بُعد ومن بعض القلوب اقراب =وتبقى حسبتي ماهي واحسب الثانية شهري ترا حبك وسط قلبي توتد ثم ركز مركاب = ولو انزع ما يركز به نهرني القلب مع نهري ظعون الحب شد لك وشالت شوقها بركاب = عسى تلقى لها قلبك مع مجرى الدمى تجري على رغم القلوب اللي تهادت نبضها بعتاب = يا قلبي قلبي مايرتاح حتى تقبلي عمري شعور القلب من قربك يبادرني شعور اغراب = ولكن قربي مني مادام البعد في نحري يقولوا للغلا سبه وانا اغليتك بدون اسباب = ابجمع كل ما يروى وبارميها ورا ظهري هويتك والهوى حلوه مرير ونالني بإعجاب =دلالك بالغلا فاحت وهيل الحب في نجري عبدالله ال مجحود |
رد: غلا الاحباب
صح لسانك يا ابن مجحود على القصيدة الرائعة
|
رد: غلا الاحباب
صح لسانك يا عبد الله ال مجحود قصيدة رائعه
|
رد: غلا الاحباب
اقتباس:
صح بدنك يا فتى الوادي .. يعطيك العافية |
رد: غلا الاحباب
اقتباس:
صح الله بدنك يا ابو منيف الف شكر على تواجدك ومرورك |
رد: غلا الاحباب
صح لسانك واعتلا شانك يا عبد الله ال مجحود
|
رد: غلا الاحباب
عبدالله ال مجحود
صح الله السانك على الجزله وابداع يالغالي لاهنت |
رد: غلا الاحباب
صح ألسانك يأبن مجحود
وقصيده جزله وتقبل مروري وفالك طيب |
رد: غلا الاحباب
صح لسانك يا ابن مجحود على القصيدة الرائعة
|
رد: غلا الاحباب
صح لســانك والله لايهينك على القصيد الجــزل
تقبل مروري |
الوقت في المنتدى حسب توقيت جرينتش +3 الساعة الآن 06:17 PM . |
مجالس العجمان الرسمي