|
فديـــــتك يامحــــمد !!
السلام عليكم ورحمة الله وبركاته
مبارك عليكم الشهر جميعاً فديتك يامحمد .. انشهد اني أحبه .. المهم تابعوا الموضوع ولي طلبين .. أحلفكم بالله ماتردوني .. أول طلب .. اي عضو يقرا الموضوع يشارك فيه بعدين بقولكم ليش حتى لو ماعنده رد أو شي يقوله يكتب رد كذا ........ بس :) ثاني طلب .. تابعوا الموضوع الى النهاية وشاركوني فيه !! مشرفين لاتحذفون موضوعي .. بقولكم منهو محمد .. وانتوا خابريني .. جيت من بعيد :) حيث تشرق الشمس .. والأنوار هنا .. حيث سالم وساره الأصدقاء .. ذكرتهم في موضوع من قبل !!!!!!!!!!!! أدري مافهمتوا شي :) أو يمكن فهمتوا شوي :) سمو الروح هذا موضوع لخاطر عيونش وأتمنى يعجبش .. والله ثم والله اني أحب محمد .. محمد بن ؟؟ هو يقرب لي والله وش صلة القرابه بعدين بقولكم .. وليش أحبه .. بقولكم بعد .. يتبــــــــــــــــــــــــــــــــــــع .. |
رد: فديـــــتك يامحــــمد !!
حجز كرسي في آول الصفوف ..
كلي ثقه سيكون هنآ آحداث وقصص شيقه .. :) |
رد: فديـــــتك يامحــــمد !!
حجززززززز للموضوع بعد شامخه
وننتظر التكمله ان شاء الله قريب مهب تطولين علينا في التكمله لاهنتي على كل حال |
رد: فديـــــتك يامحــــمد !!
ابشري ...
ومتابعين... اختي الفاضله... وانا والله اعرف محمد ... دمتي ودمتم لله اقرب |
رد: فديـــــتك يامحــــمد !!
وأنا بعد إذا ماخاب ظني أعرفه .. ;)
لآطولين علينا .. خلي منج أسلوب التشويق حق فهيد .. :p |
رد: فديـــــتك يامحــــمد !!
فهيد يتبع اسلوب التشويق توني ادري والله
عاد انا اكتب صحيح بس ماهو مثل فهيد هو ماشاء الله عليه مبدع وكاتب ممتاز وكل مواضيعه 100% صح ما اجي صوبه أنا :) ابشروا بالجنه جميعا وماني مطوله بإذن الله ملاذي لاتقول والله ماهو البزر اللي في بالك :) |
رد: فديـــــتك يامحــــمد !!
قبل ما أقولكم محمد منهو بقولكم كم سالفه حلوه وفيها حكمه يمكن أهم من معرفتكم لمحمد
السوالف فيها حكمه وعبره بس صدقوني ما احبها كثر محمد طبعا محمد مثل ماقلت لكم يقرب لي ويمكن عرفته من 6 سنين تقريباُ بقولكم قصته بالضبط بالتفصيل المهم بس اصبروا علي شوي أحبه في الله .. يتبع |
رد: فديـــــتك يامحــــمد !!
قبل فتره ماهي بسيطه كنت بأحد الدول الاوروبيه
طبعا هذي الدوله نادر ماتلقى فيها عرب مسلمين المهم شفت فيها مبادئ المسلمين ولو ان الارض واللي فيها ماهي بمسلمه شفت فيها اشياء واجد حلوه حبيتها استغفر الله زين اني مافكرت استقر فيها المهم بقولكم قصه شفتها اهناك واهني بالكويت وعاد انتوا افهموا قصدي وقولولي وش اللي فهمتوه في ذيك الديره وانا اتعشى مع زوجي بأحد المطاعم ما اشوف الافتاه معاها ورقه وبعض الاغراض طبعا الاغراض بضاعه مثل مايقولون بسيطه مثل ولاعه .. منظره صغيره للنساء .. بوك واشياء اخرى نسيتها والله والورقه مكتوب فيها سعر كل شي هي تبيعه طبعا البضاعه اللي وياها اغلى من اللي بالسوق بشي بسيط والبنت فقيره حدها وباين عليها حتى اكل ما عندها بس عزة نفسها تمنعها انها تمد ايدها تبي تبيع ومثل مايقولون تلقى اللي تاكله وتشربه اما الموقف الل مر علي بالديره وبالتحديد في سوق الفحيحيل الدبوس الله لايعيده كنت بأحد المحلات ولاواقف جمبي بعيد شوي رجال طبعا الرجال كبير بالسن تقريبا وانا ادري انه مثل مايقولون طرار الله لايبلينا وهو واقف جمي يبيني التف له عشان يطلب حاجته المهم انا اكلم بائع المحل بصوت واطي واهو جمبي يقول حجيه .. لو سمحتي ومن هالكلام تقرب اختي وتهمس لي بصوت واطي الطرار يبي فلوس طبعا انا سويت روحي ماسمعت لا اختي ولا الرجال اللي يطر لسبب في داخلي ماني بقايلته ماهو بخل والله انا يسموني الطائيه من شدة كرمي والله ما امدح بنفسي المهم خلصت من المحل ومشيت ولا بنفس الموقف متكرر قدامي امرأه كبيره بالسن وبحضنها طفل توقفني وتطلب مني المقسوم هذي عطيتها بصراحه ولو اني ما احب هذا النوع بس مثل مايقولون موقف وصار الله لايبلينا .. ابد ماهو شماته .. بس تبقى المسأله كبيره . ... وكل منكم له تفسيره .. بس انا تفسيري غير وبقولكم اياه لاقمت من النوم ان شاء الله وانتوا قولولي اللي فهمتوه من هذا الموقف اللي هنا بالكويت وذاك الموقف اللي باوروبا يتـــــــــــبع .. |
رد: فديـــــتك يامحــــمد !!
سمو المشاعر ههههههههه في البدايه علي بالي عندي سالفه وخطر في بالي ان محمد زي مافكر اخوي ملاذي بس طلعت بعيده اما من ناحيه القصه حسب توقعاتي الفرق بين الطرراره وعزه النفس في الدوله الاجنبيه مع العلم انهم غير مسلمين وبين الطرراره في المكان الذي ذكرتيه مع العلم بالقيم الاسلاميه بس بما انك فتحتي الموضوع ولا اريد الاطاله لاحظت عندنا في الرياض مادري مر عليكم ولالا ونا طالعه من صرافه بنك بفتح باب السياره الاوحده تكلمني المهم طلعت المقسوم وقلت تفضلي ياخاله قالت لا ابغاااك تدخاين معاي المحل الي قريب من هنا تشترين اغراض لعيالي خفت بصدق وماكان معاي الاشغاله والسواق قلت اسفه ماقدر وقال تعالي (( فئما السائل فلا تنهر )) صدق الله العظيم لكن ماصار الواحد يعرف المحتاج من غيره عسي الله ان يرحمنا ويرحم المسلمين ياارب سمو المشاعر اسفه للاطاله لكن شوقتيني من جد اعرف وتسلمين وننتظر لاتطولين 1bh1 |
رد: فديـــــتك يامحــــمد !!
شموخ العجمي
الله لايهينش على الرد الراقي والمنطقي وبالتحديد وقال تعالي (( فئما السائل فلا تنهر )) بقول منهو محمد عيون ابوي بس قبلها بذكر كم سالفه في خاطري اقولها وعقب بقولكم سالفة محمد ومنهو محمد حنا في عايلتنا اسم محمد متكرر واجد ماشاء الله خير الأسماء ماحمد وعبد ولاشرايش ؟ :) لاهنتي واصلي .. |
رد: فديـــــتك يامحــــمد !!
متابعه ..
وأتفق مع الغاليه شموخ عزت النفس هي الفرق بين الموقفين .. وياكثر مانشوف هالمواقف في الاماكن العامه .. المشكله ماعاد عرفنا من المحتاج ومن الكذاب آستغفرالله .. صحيح خير الاسامي ماحمد وعبد << ماهم بعيد منكم كل عائله لازم فيها محمد وعبدالله .. احلى الاسامي والله .. ودام محمد ماطلع اللي بالنـآ .. تشوقنا نعرفه .. :p |
رد: فديـــــتك يامحــــمد !!
شامخه يامرحبا بش وبأهلش :)
اضافتش قيمه وحده من صديقاتي ماعندهم من اسماء ماحمد وعبد .. اغلب اسماء عايلتهم وليد . .. سلمان .. وتوارثوا الاسمين انا لو اقولش اسم ولدي الكامل تضحكين ماطلع من ماحمد وعبد لي سابع جد وواجد من اهلنا والله نفس الطريقه :) بقولش منهو محمد بس توقعي انتي منو بالأول :) تشرفني مشاركتش واصلي .. |
رد: فديـــــتك يامحــــمد !!
اسمحولي اشارك ويااكم
موضوعش من جد شيق تحمست اعرف منهو محمد وترانا نفس الشيئ عندنا محمد وعبدالله واجد فالعاائله الله يخليهم لاهلهم يارب اما بالنسبه للموضوع اللي تطرقتي له فالبداايه انا بالنسبه لي اذا رحت السوق بالاخص فالاسواق الشعبيه وربي الوااحد ينحرج من كثر الطرارين يجيش رجاال طول بعرض يقدر يبني عمااره ويطر ... مايعرف شئ اسمه عزه نفس ولاكرامه لو يمسح سيارات والا يشتغل حماالي بالسوق وربي اكرم واشرف له من طلابه النااس لا واللحين جاااي رمضاان بيصير ياكثرهم كثراااه حتى بالاشاراات الله لايبلانا يارب اعذريني على الاطااله <<< تنتظر ومتحمسه تعرف منهو محمد بطل الساالفه :) |
رد: فديـــــتك يامحــــمد !!
ههههههههههههههه
عندنا واجد محمد بن عبدالله بن محمد بن عبدالله ... إلخ للحين مو واضحه ملامح محمد بس بخمممممن .. :p آمممممممم آتوقع إذا مو ولدج واحد من آخوانج ؟ الشرف لي غلاتي .. |
رد: فديـــــتك يامحــــمد !!
عذاب
مشاركتش 100% وصلت اللي ابي أوصله لاهنتي ولاتحرمينا من مشاركاتش الحلوه شامخه بعز ابوها غلط :p |
رد: فديـــــتك يامحــــمد !!
توقعت :p
|
رد: فديـــــتك يامحــــمد !!
نكمل يامحمد
طبعا انا صارحت زوجي بحبي لمحمد باسلوب حلو وقلت له ليش أنا احب محمد وهو تقبل الموضوع ومازعل !! خلوني اقولكم صفات محمد ..بعضها طبعاً محمد طبعه حلو .. يحب كل الناس ابتسامته تسحر القلب .. يمكن ماهو ملك جمال ولاقبيح الحمدلله بس فيه من لمحة الجمال الكثير واغلب الناس يقولون ماهو انا اللي اقول محمد كريم لأبعد حد ومع هذا حريص بس ماهو بخيل .. اكيد فهمتوا .. اللي خلاني أحب محمد انه يحبني .. يحبني بجنون ليش انا بالذات طيب ؟؟ سؤال سألته محمد وماجاوبني شريت له هديه من تركيا وبعطيه اياه بعدين .. زوجي ماشاف الهديه لاني كنت بالسوق برفقة زميله لي .. بس اكيد مصيره بيشوفها !!! ما بي أطول عليكم .. يتبــــــــــــــع بإذن الله .. |
رد: فديـــــتك يامحــــمد !!
لا يوقف .. :p
|
رد: فديـــــتك يامحــــمد !!
اممممممممم يمكن يكون طفل حنيتي عليه وساعدتيه << تقول ان شاء الله صح
لاطولين :) |
رد: فديـــــتك يامحــــمد !!
متابعه
ونتريا البقيه بس الفرق باين ان في ناس كرامته وعزة نفسه ماتسمح وفي ناس عادي عنده والتعويد يلعب دور...انا بالدول هذي شفت والله المحتاج يغسل ويخم ويكرف ثلج وينقل اثاث على ظهره وبالرسترانت يوصل دلفريز وكل شي بس انه مايطر والشغل موعيب العمل لله ماهو مذله ولعفت النفس... ودمتم سالمين وبالانتظار |
رد: فديـــــتك يامحــــمد !!
آتوقع واحد قريب لج من عيال خوانج ولا خواتج ولا من محارمج " عم خال .. هييك شي "..
الوكاد انه شكله صغير بس عنده عزت نفس ومعتمد على نفسه << تصلح محلله صح ؟. :p <~ ماعندج إلا الدجه |
رد: فديـــــتك يامحــــمد !!
موضوع هادف
اشكرك اختي الكريمه على طرحه بين عزة النفس وبين انكسارها حرب ضروس في داخل كل انسان فمنهم من تغلب العزه الانكسار ومنهم العكس الامثله التي ذكرت بالموضوع واقعيه ونراها في كل مكان لكن اريد التذكير: ان ما رأيته اختي الكريمه في اوربا من مثال جميل وعزه نفس وعدم مد اليد لطلب مال بدون مقابل ليس حكما معمما على الجميع هناك كما ان مد اليد و( الطراره ) في بلادنا ليست حكما معمما أيضا لدينا فكم من نساء ورجال يتمنون ان تقطع ايديهم والسنتهم قبل ان يطلبوا مالا من احد دون مقابل وكأني عرفت محمد |
رد: فديـــــتك يامحــــمد !!
الله لايهينكم جميعا على الردود المنطقيه
فعلا مانقدر نعمم ولكن هم موقفين صاروا لي حبيت اقولهم لكم وطبعا كان لي هدف من طرح الموضوع او بالاصح اكثر من موقف صار لي خلاني اكتب الموضوع منها ان الشغل والكسب الحلال ماهو عيب بس العيب ان الرجال يمد ايده ويطر .. يعني وين عزة نفسك ؟؟ وين رجولتك وهيبتك ؟؟ اذا الديوان ماوظفك مو مشكلة سو مثل ماسوت المرأه الاجنبيه .. ثاني شي الانسان لازم يدبر نفسه .. ويعيش على قد حاجته ... وبالذات الرجل اللي خلاني اكتب الموضوع اصلا هو رجل وانا مثل مايقولون اعاتبه شوي .. طبعا اقصد الطرار اللي بالفحيحيل وشخص ثاني الرجال اذا مايدبر نفسه واموره ويصرف على زوجته وبيته واهله ..شنو فايدته في المجتمع ؟؟ ليش القوامه له ؟؟ والعصمة بيده ؟؟ الرجال قوامون على النساء تدرون ليش؟؟؟ انا ما اخص كل الرجال بموضوعي ولكن الرجل الاتكالي فقط .. فاقد عزة التفس .. وينك يامحمد بس هو اللي فاهمني :) يتــــــــــــــبع |
رد: فديـــــتك يامحــــمد !!
شامخه ... يمكن صح ويمكن غلط :)
فهيد .. اللي في بالك قاله ملاذي وقلت له غلط :) |
رد: فديـــــتك يامحــــمد !!
شاعرة شمر
لافض فوك .. لاهنتي فهيد الكفيف ردك منطقي أعجبني .. لاهنت شامخه تصلحين محلله ونص بعد بس غلط a25 امزح معك واصلوا ... |
رد: فديـــــتك يامحــــمد !!
شموخ
لا لا بعيده شوي :) |
رد: فديـــــتك يامحــــمد !!
بس اللي في بالي مو هو اللي قال عنه ملاذي
بس ابي أتأكد من خلال سياق الموضوع وبعدها اقول من هو ... :) |
رد: فديـــــتك يامحــــمد !!
ماشي :)
أجل بكمل وبقول بعض صفات محمد ماهي كلها .. خمن من الحين قبل ما اقوله أنا :) ................................... محمد اعزوبي مايفكر بالزواج في الوقت الحالي .. تو الناس عليه أتوقع محمد كل الناس يحبونه !!!!! والله هالكلام دايم اسمعه فديت محمد .. محمد يشلع القلب .. يعني من زود حبهم له حنا نستخدم مصطلع يشلع القلب تعبير عن الحب الشديد :) محمد ماله أصدقاء .. غريبه صح؟؟ يحب اهله فقط واهله يحبونه .. قليل نسمع محمد طلع وراح !!! زوجي يحب محمد انا متأكده ولكنه يغار منه !! يخاف ان محمد ياخذ الغلا منه !! احيانا احس انه يشك بهذا الأمر غريبه بعد:( محمد ماهو كبير بالسن يعني شايب بالعكس عمره حلو .. محمد كل الناس متوقعين له مستقبل مشرق .. حبهم لوالدينه دفعهم لهذا الشي اللي يقول اتوقع محمد بيدش الهندسه واللي يقول طب واللي يقول طيار المهم مايخيب ظنهم وحده من خواتي تحب محمد ايضا .. كل خواتي يحنون له ويحبونه بس هذي بجنون غريبه ليش محمد يعني ؟؟ ليش مو فلان وفلان .. يمكن لاني دايم اسولف عنه حبته وياي !!! سألتها قلت لها انتي تحبين محمد حيل باين عليش .. قالت لي شالع قلبي .. سألتها ليش ؟؟ ردت علي برد منطقي وقالت .. ليش للحب تفسير بعد ؟ يتـــــــــــــبع |
رد: فديـــــتك يامحــــمد !!
ملاذي من تقصد ؟؟
اخاف انا فهمتك غلط بعد :) |
رد: فديـــــتك يامحــــمد !!
توقعوا محمد منو؟؟
بقولكم سالفه أخيره بعد كم يوم ان شاء الله عقبها بعترف بحبي لمحمد واقولكم محمد منو !!!!!! ترى انا قلت محمد من الأهل بس يمكن صح ويمكن خطأ ... ابيكم تخمنون انتوا .. وتحسنون الظن وكل المعلومات اللي قلتها عن محمد وكل الكلام اللي قلته مافيه تشكيك أبد يعني صحيح 100% والاكيد اذا عرفتوا بتنصدمون انا متأكده :( |
رد: فديـــــتك يامحــــمد !!
محمد .....ولدك....!!!
هذا ما توقعته...!!! دمتي لله اقرب.... |
رد: فديـــــتك يامحــــمد !!
ملاذي يمكن صح ويمكن غلط :)
واصل أخي .. سأذكر طفولته هنا وما أبهرني بطفولته ولماذا كتبت عنه ومن هو ... ومن ثم ساكمل وللحديث بقيه .. بإذن الله .. |
رد: فديـــــتك يامحــــمد !!
نكمل ...
لنسلك طريق الفصحى :) لليمين در :) عسانا مانجيب العيد بس :) اي صدق عيدكم مبارك مقدماً :a36: لاتقــــــــــولون أحد سبقني في التهنئه :p ((المهم)) ^^^ خوش فصحى :p محمد في صغره ........ كا ن دائم الانصات للأذان .. كان يردد الاذان بطريقته الخاصه .. وهو طفل لايعي شيء يحب سماعه من التلفاز وعندما يتحدث من حوله يصرخ وكانه يقول ((اسمعوا وانصتوا)) والغريب في الأمر ان قصته وهو طفل حيرت الجميع وأولهم والدته ووالده .. كيف؟ أثناء سماعه لأذان الفجر يبكي يبكي بطريقه غريبه لماذا يبكي ؟؟ لاتعلم امه المسكينه عن سر بكائه لايريد الرضاعة ولا الماء ولاغيره كأنه يريد ايقاظ والده لصلاة الفجر وكأنه يعلم ان والده يؤخرها قليلا ياسبحان الله ما ان يستيقظ والده لصلاة الفجر والسبب انزعج من بكاء طفله واضطر للصلاة ومن بعد ذلك ينام وهو حامل معه براءة الأطفال وجمالهم يكمل نومه الجميل يتكرر بكائه بشكل يومي تقريبا ومتى ؟؟ أثناء صلاة الفجر ... سبحان الله سبحان الله العظيم طفل يوقظ والده للصلاة اهو ملاك أم ماذا ؟؟ يتــــــــــــبع بإذن الله ............ |
رد: فديـــــتك يامحــــمد !!
آيامج سعيده يآلغلا ..
للآسف سبقتج وحده .. D: آممممممممممم دام آختج حبته من كثر ماتسولفين عنه شكله آجل من آهل زوجج << مشكله لاشغلت مخها تصير آغباء خلق الله .. :p المهم شكله حماج الصغير ولا واحد من عيال اخوان ولا خوات زوجج .. بصراحه شوي ثانيه ونحب محمد وياج << حب جماعي .. :p الله يخليه لعينن ترجيه .. متآبعين بآستمتاع وتشوق .. :a36: |
رد: فديـــــتك يامحــــمد !!
صباح النور
مبارك عليج الشهر وكل عام وانتِ بالف خير عزيزتي بصراحه موضوعج يشوق حده :) وشكله من من الاهل قريب موبعيد والله يصلحه لاهنتِ ع الموضوع المميز بانتظار البقيه :a36: |
رد: فديـــــتك يامحــــمد !!
وين غيباتك ؟
عسى المانع خير .. نتحراكِ .. :a36: |
رد: فديـــــتك يامحــــمد !!
ياخوفي محمد هذاا يطلع دبدووب ولا شي من هذا القبيل :p
اتغشمر معااج السلام عليكم ورحمة الله وبركاته ومبارك عليج مابقى من الشهر .، بصراحه بالظن انا وصلت لسابع جاااااار لكم يمكن واحد من غير محددي الجنسيه ومحتاجين بس كلمة فديتك ما تنقاااال الا لشخص قرييب اقرب من الرووح للرووح ^_~ i really don't know who is it متابعه .، :a36: |
رد: فديـــــتك يامحــــمد !!
بديت احس من وصفك انه مو كائن حي الي تقصدينه اوشي من عالم الخيال ;)
ننتظر D: |
رد: فديـــــتك يامحــــمد !!
تم التثبيت لتفاعل
الاعضاء .... ولكن سمو المشاعر (قطتهم على صخر) وفي الانتظار دمتم لله اقرب.... |
رد: فديـــــتك يامحــــمد !!
الفرق بين الفتاة الصغيرة وهذا الرجل هو أن الفتاة علموها أهلها الفقراء على الكسب بشرف وعزة أما بعض الناس رجلا كان أو امرأة ركنوا إلى الذل بأنواعه مقابل الكسل وراحة الجسم فالرجل يعرض وجهه للناس ولايكدح بنفسه والمرأة والعياذ بالله قد تبيع عرضها ودينها / نبي الله داود كان يذهب في الصباح إلى الأشجار فيحطب ثم ينزل إلى المدينة فيبع وكثير من النساء الفقيرات مع شدة صونهن لأنفسهن وحيائهن كدحوا ورزقهم الله وهم في البيوت منهم من اشتغلت بالخياطة للناس ومنهم عملت بالطبخ والبيع.......(ومحمد الظاهر إنه ولدش ولازوجش..الله يصلحهم)...آسف على الإطالة.
|
| الوقت في المنتدى حسب توقيت جرينتش +3 الساعة الآن 09:54 PM . |
مجالس العجمان الرسمي