احترت انا بالقلب واحترت بالشوق=شوقي يداويني على ظن قلبي
شوقي يخاويني وهي فراقها عوق=ان جيت ابنسى عارض الشوق دربي
ممسى الالم قلبي ويصبح وهو فوق=واذا غشى عيني تراوى لي طبي
يصوّرك فكري ولا يحصرك في طوق=حتى الشعر يعجز يصوّرو وينبي
ولّا الشعر يرسمك لوحة من الذوق=مزاجها به فن للبال يسبي
قلبي ترا مفرد وساق الغلا سوق=لصويحبي ثم عقبها قام يشبّي
واذا تلفت للغلا وكّد التوق=واذا جمح فالذنب ماهوب ذنبي
سرا الفكر ولّا السهر عاشق الموق؟=حتى النهار يسير والليل يدبي
هي صحوه وتغييب ثم عقبها فوق؟=حيرني قلبي حسبي الله حسبي

المشاركة الأصلية كتبت بواسطة محمدالنادراشامري (المشاركة 619619) الاخ عبد الله ابيات جميله و جزله من شاعر جزل متمكن حرف ومعنى صح لسانك ولاهنت تحياتي

المشاركة الأصلية كتبت بواسطة سعيد ابوجعشه (المشاركة 619665) عبدالله ال مجحود صح السانك ولاهنت وفي انتظار جديدك