مجالس العجمان الرسمي - *الملحمه * للشاعر الكبير / محمد الدحيمي الشهري

السلام عليكم ورحمة الله وبركاته

اقدم لكم بعض قصايد الشاعر الكبير محمد الدحيمي الشهري

عسى ان تحاز على رضاكم

عجبتني القصيده وحبيت اني احطها لكم
** الملحمه **

ليـلـة الـبـارح .. رقــد بعـضـي يـنـازعـه أغـلـبـي
لـيـلـة ٍ بـآخــر لـيـالـي الــحــج غــــدراً مـظـلـمـه

كـنّــي الـلــي نـايــمٍ مــــا بــيــن داب وعـقـربــي
هـي قيقـة ؟ هـي خيـالٍ سـجّ ؟ هـي حلـم احلـمـه

قمـت مـن صـوتٍ دعانـي وانثنـيـت عـلـى ركـبـي
وإلاَّ أنــــا أنــاظــر قـبـالــي ( نــاقــةٍ مـتـكـلـمـه )

( يـا نـيـازك لــو عرجـتـي فــوق دخــان أشهـبـي
اعـلـقـي فـــي زئـبـقــي فــــي مــــارجٍ متـنـجـمـه

قلت : وش قومك ؟ وش انتي ؟ واصدقي لا تكذبي
جاوبتـنـي شـاعـره مــن الـجــن وانـظــم مبـهـمـه

وقبل تنشدني تـرى اسمـي ( أَبْكمـه ) يـا صاحبـي
وإدر كـانـك مــا دريــت إن أشـعـر الـجـن ابـكـمـه

اسكـن ( البَرْلَـس ) علـى وادي يسـمـى المحلـبـي
فــي نهـايـة ( طــور مـوســى ) جـــلّ ربٍّ كـلّـمـه

جيت اباسمع منك شعـر الوصـف .. واشـبّ لهبـي
كـان توصـف مثـل (جــدّك) ياعـسـى الله يرحـمـه

جـدّك اللـي مــن سـمـع شـعـره ذهــل واستغـربـي
مثل وصفـه لاجمـل سنينـه ( ب..نـوق مدرهمـه )

قـلـت : حـيـاك ارحـبـي ثــم ارحـبـي ثــم ارحـبـي
فــي ضـيـافـة شـاعــرٍ يـثـنـي القـصـيـد ويلـجـمـه

شـاعــرٍ ورَّد هواجـيـسـه عـلــى مـــا هـــو يـبــي
وأعـذب الشعـر أصدقـه فـي أغـربـه فــي أجهـمـه

مـــن شـيــوخ دحـيــم جـدانــه.. وخـالــه تغـلـبـي
إن طلـع عــزّ وشــرف.. والأَّ طـمـن فــي مكـرمـه

قـد ورثـت الطيـب قبـل الشعـر مــن جــدي وابــي
ولابـتـي سـيـل الحـقـوق الـلــي تـزابــر مـرزمــه

واشهـد إنـي مــن سـنـام الشـعـر دسـمّـت شنـبـي
وهاتـي أشعـر شاعـرٍ مـن الجـن .. نـذرٍ لا أفحمـه

ودام يستهويـك شعرالوصـف بــا أنـظـم وأطـربـي
ع..الـقـوافـي نفـسـهـا قـدامــك الـحـيــن انـظـمــه

واصـــفٍ حــلــو الـتـرايــب والــقــوام الأكـعـبــي
وأبتـدي: بسـم الله الرحمـن سِمْعـي يــا ( بْكـمـه )

جــــادلٍ بحـجـاجـهـا.. فــجــرٍ زبــنــه الـمـغـربــي
عـنــز ريـــمٍ نثّـرتـنـي بــيــن خــــزر وسـلـهـمـه

فـي سـواد عيونـهـا .. فـاجـر يـقـول إنــه : نـبـي
كـــل صـابــي يتـبـعـه ويـصـدقـه .. يـهــدر دمـــه

وفــي لحظـهـا .. حـاكــمٍٍ سـفــاح مـتـهـور غـبــي
يطـلـب الرحـمـة لميـتـه يــوم شـبـع مـــن لـحـمـه

وفــي هدبـهـا .. مـدهـلٍ راعـيــه شـيــخٍ يـعـربـي
أجــوديٍ نــوب يعزمـنـي .. وأنــا نــوب اعـزمــه

راعـنـي خــالٍ بوجنـتـهـا تـقــلْ .. عـبْــد مـسـبـي
حــارس ٍ روض الـزهـر مــن كــل يمـنـاً مجـرمـه

ومـن قليـب اللـول .. جــاء ثعـبـان فـضـي لولـبـي
مـن لعـق سـمّـه .. يـقـول :الشـهـد مــرّ وعلقـمـه

كـلـمـا بــلّــل شــفــق عـنـابـهـا قــــال :عـجـبــي
راح ينـشـد لولـهـا هــي مشـركـه ؟ هــي مسلـمـه

ويوم جاء اللـول بيجـاوب قلـت :ربـي رووف بـي
نــاض بــرّاق الثـمـان .. وســـال وادي عـكـرمـه

الـنـدى .. عــودٍ غــدا بأوجانـهـا .. طـفـل يحـبـي
والعـطـر.. راعــي باثـرْهـا يـحـدي ابـلـه وغنـمـه

ومــن جدايلـهـا.. تـجــلاَّ فـــارسٍ قـــال : الـعـبـي
واستـفـزي الـريـح يــا بـنـت الهـبـوب المـدهـمـه

وفــي نحـرهـا ..كـافـر لعـيـونـي يـقــول إذنـبــي
كـل مــا يـاكـل رطــب شـوفـي .. حذفـنـي بعجـمـه

فـي ترايبـهـا .. ثـمـر طــاح بنـهـم عـيـن اشعـبـي
جـاء يقـول لخصرهـا الميـاس :حـذرا مــا انهـمـه

انثـنـى الخـصـر وتمـايـل .. قــال : قبـلـك مـرّبــي
تــوه الـلـي كــان ضـيـفـي وانـظــر آثـــار قـدمــه

الجـمـل .. هــجّ وتـذيّــر يـــوم شـــاف الأحـدبــي
والحـدب قـال :إش معـه ؟ مـا ينظـر لحـدب سنمـه

كـل نضـره روّحـت حبـلـى .. تـجـي معـهـا صـبـي
راح جـوعـه ينـشـد أمـــه وش بـلاهــا تفـطـمـه ؟

لا مشـت .. فـي مشيهـا خـطـو الكحـيـل الأشهـبـي
لا انثـنـت ( حـايـل ثـنـيّـه ) لا ربـــاع ولا قـحـمـه

كـنـهـا لا لـــدّت الـنـظـرة خـجــل عـــا المـنـكـبـي
صــــادقٍ .. يـسـتــودع الـفـتّــان ســــرٍّ يـكـتـمـه

فـي خجلهـا .. بنـت شـيـخٍ طـاحـت بـحـب أجنـبـي
فــي غنجـهـا .. مـهـرةٍ تتـلـي الصهـيـل بهمهـمـه

فــي رضـاهـا.. حصـنـيٍ يـتـلـذذ بـحـمـض يـنـبـي
فــي عتـبـهـا .. ظـالــمٍ حـطــوه قـاضــي محـكـمـه

لا اقبلـت ..مثـل الحمـام ولاادبـرت ..مـثـل الظـبـي
لا اوقفت ..طير الهـداد ولا جْلسـت .. تقـل رْخمـه

لا وردتــي يــا مغـاتـيـري عـلــى الـعــدّ اشـربــي
وهيجـنـي :يــا حــي ذا المبـسـم ومنـهـو مبسـمـه

مـبـسـمٍ يـــوم يتـبـسـم كـــل عـــرقٍ صـــاح بـــي
وتـلّـنـي ..قـــوم الـثـمـه..نـذرٍ عــلــي أن تـلـثـمـه

أذن الفـجـر ووقـفـت ..إلاّ ( اْبكـمـه ) تقْل:طْـلـبـي
ياالـدحـيـمـي هـاالـقـصـيـدة سـمّــهــا بالـمـلـحـمـة