نفس المكان اللي ضحكنا به العام
. . . . . . جيته وانا بيني وبين الفرح سور


نفس المكان اللي رسمنا به احلام
. . . . . . جيته وانا ميت أمل ضامي شعور


حزين / حاير / تايه الدرب / منضام
. . . . . . تعيس حظ / وممتلي ظلم / مقهور


الدمع ما ينفع ولا بوح الاقلام
. . . . . . ما دام غصن الوصل ما فوقه طيور


.
.
.

كنت أتحلم يوم لامست أياديك ..!

يا قاسيه في جروحي ما تحسين
. . . . . . . وانتي سبب غرقتي وانتي نجاتي



باقي سؤال بخفوقي قبل تمشين
. . . . . . . لو اقدر انساك .. بنسى ذكرياتي ؟





.
.

السؤال اللي محيرنا جوابه
كل ماذعذع من الغربي بكينا

ليه ما نرتاح من جور الصبابه؟
دام روح العشق فينا تحتوينا

والملامح نفسها حزن وكآبه
مايغيرها سوى ضمة يدينا

والحظوظ تمرنا مر السحابه
ماحكت فينا ولا هلت علينا

والغياب المر موجعنا عذابه
كل ما قلت انتهانا يبتدينا ..!

يا حبيبي والأمل يخدع سرابه
ما روت الأحلام منه وماروينا

علم احساسك قبل يبدي عتابه
طال عمر ظروفنا لو مارضينا



.
.
.