مساء الخير

هني راعى الوناسه قلبه السالي =واما المحلكم بقلبه هم واحزاني
ابطى علي اتصال الصاحب الغالي= مدري تغلا علي ولا تناساني
معاد دق يتطمن كيف الاحوالي =ومعاد كلف على نفسه على شاني
معاد لي حاجة اشل جوالي = ومعاد لي حاجة بفلان وفلاني
هجرني الي يعوج الخصر ميالي= هجرني الي خذا عقلي وخلاني
الجسم ياشيب عيني يابري حالي=حط الجروح العليله فوق الاكواني
لما تمخطروفوق اكتوفه الشالي= وفل الشعر وانتثر من فوق الامتاني
الموت لاراح غير الموت لقبالي=لي شفته اقبل علي الموت يبلاني
ارموش عينه على خدينه اضلالي= ذبحني الرمش واشغلني وعناني
لو شافه الراجحي فرط بلاموالي =خرب حلاله علي مدعوج الاعياني
يدبل له الي عطى هيفاء بن جفالي= ويقول تفداك هيفاء بنت لبناني
حطيت بالقب له صوره وتمثالي=وابطاء علي لا تصل فيني ولا جاني
من اول ساكن في قلبه الحالي=واخافه اليوم عني صارمتغاني
قولو له ان غيبته همي وغربالي=وقولو له اني على شوفته شفقاني
ومن بعد غيبتك يالمزيون يرثالي =البعد يانور عيني عنك اشقاني
وياكم علشانه اغني بموالي= وياكم تعنيت طول اليل سهراني
اموت من صورته لجات في بالي= اموت وان جاء بقلبي طيفه احياني
وزعلت انا لجل حبك كل عذالي=وفضلت بعد الفراق اعيش وحداني
وقولو له انه كذا بيزود اهبالي=اما يجيني ويرجع مثل ماكاني
ولا ترى ينهدم تمثاله العالي=اوحط بالقلب غيره واحد ثاني