رسالة شوق


هي الأشواق لك وحدك ولا أدري ليه مجنونه
تجي قبل الزعل ..بعدالزعل لاباس ياناسي


زعلنا وأفترقنا والسماء مليان ومزونه
رعد برق ومطر ..كان السفرميعادنا القاسي



مضا يوم ومضت يومين ..بالحرمان مقرونه
بديت أغضب نسيت أغضب..وفكري بك ملأ راسي


وعاتبتك..ولا شك العتب ماظن ترجونه
لذا كان العتب فكره تلاشت..وأبتدأ ياسي


وقلت انسى.عساي أنسى عذاب القلب وحزونه
حلفت أنسى ..لقيت إني أفكر بك وأنا ناسي


دريت إنك هوى عمري لوأن الروح مطعونه
دريت إنك ..حنيني والعذاب وكل هوجاسي


وصرت أكتب لجل حبك ..رسالة شوق مشجونه
رساله والعتب فيها ..حبيبي..يابعدناسي


لك الله ماعرف معنى السفر في داخل أشجونه
سوى طير(ن) فقد سربه...وقلب(ن) هام في قاسي


كفا تقساعلى قلب(ن) عزف لك صادق ألحونه
يشوفك في جميع الناس ..بالشمعات..في كاسي


أحبك من متى مدري؟؟؟ قبل مالحب يطرونه
قبل ماتنخلق حواء..رسمتك وجهة إحساسي


وأحبك لا متى مدري؟؟؟ ألين الكون ينهونه...
يجوز أكثر..هواك أكثر ..مداك أكبر من أقياسي


(هوالشي الأكيد إني ..معي لك روح مفتونه
تبيك أنت..وتبي حبك..وأبيك..الآخر أنفاسي


بدرالحزين...مانع صالح جلاب