ياسلامي يالحرار الصيرميه = ياهل العادات وسهوم المنايا
صلب جدي سيف هند ٍ في يديه = وقع حده لاسطى ما ينتنايا
لابتي عبيده القوم اللضيه = كل مطنوخ ٍ يجي فوق الهقايا
سعد منهم لابته بكبر قضيه = ينجلي همه وتنحل القضايا
ضربهم يجعل بكبد الخصم كيه = كية ٍ في كبده تسوي سوايا
والمواقف والفعايل عالميه = مع حكايم مع قبايل مع رعايا
لابتي خزنة ظفر في كل هيه = بالشجاعه والمعرفه والعطايا
واليمين إلها موارد حاتميه = والمتون تصامد إكبار الرزايا
والطعن ناخذه بايمان ٍ جريه = والحكايا ما بدلها إلآ حكايا
وما يرد البل كلام العنجهيه = كون وقع ايمان شجعان ٍ طنايا
يابني عمي عبيده ويش ليه = غير فزعتكم ووقفتكم معايا
ياهل الوقفات يوم المكربيه = يا حماة الحد ياستر الصبايا
دايما ً وقفاتكم ماهي رديه = يشهد التاريخ كله والبرايا
ضيغمي ماني بمجهول الهويه = ربعي الحرقان ودهات الدهايا
محزمي مليان وزنودي قويه = وان وردت اشرب وخلق الله ضمايا
والجناح معوق ٍ يا اهل الحميه = يا عبيده يازحازيح الحمايا
يالجناح اللي يعدي الجاذبيه = انتهض بي فوق وارقا بي العلايا
طال صبري والليالي سرمديه = عقب ماخفيتها بين الحنايا
بزهم قروم المناعير الشليه = فزعة اللي طاح وكفوفه خلايا
لا عضيد ولا سند إلآ وليه = ثم حماكم يا بعيدين النهايا
من نعتكم سعد عينه يا هنيه = يبشر بعزه ويطرّب ويتهايا
مسندي ذخري رصيدي فالبريه = أفتخر وأعتز باللي هم رجايا
دام هم لي درع جنب ٍ ماعليه = والله أن آهوم عسرات البلايا
والعواصف والرياح الموسميه = ما تغير من مسيري والنوايا
ثابت ٍ عزمي ولي همه ونيه = لا نويت بشي سويت الفنايا
دام لي ربع ٍ أسود ٍ ضيغميه = مع جميع الناس بفخر باخويايا
واخوياي أهل الشرف والمقدريه = حالف ٍ ما أنسى حميدين السجايا
وواجب الخوه علينا مـ ثنويه = حن عبيده ما جهلنا أهل الغزايا
من شمالي اليمن لى مشرقيه = ومن جنوبي الجزيرة لى الزوايا
يام في لسلام وإلآ الجاهليه = الخوي يثنون دونه بالسبايا
هم نسل همدان قوم ٍ يعربيه = تشهد حروب الدول معهم جنايا
الخوي والجار والضيف إلـ مجيه = في حضاهم نسي ربعه والدنايا
يام هم يام الحلام أمه أبيه = يام أبن كهلان واكليل الرهايا
مر بالحجاج في عصر آبن أمُيه = واحد ٍ من يام واعجبه وتغايا
قال له من أنت منه قول ليه = قال ِمن َمن لا جبان ولا دنايا
قال إذا ً من يام تباعت نبيه = قلت كفو وهم سريعين الهوايا
هم هل الوقفات والروس العتيه = ساندوني وافزعو ماهم ونايا
خوة اليامي تزيد المعنويه = من سعفهم ششت وِنسيّت الحزايا
خوة الضفران كسبي والعنيه = لو بعيد ٍ من ربوعي والقرايا
نشهد أنهم وردوا دلو الضميه = لين صب الماء على روس الركايا
خوة الطيب نتاجيها طريه = يعجبك لا أحتاجة العين الدوايا
والخوي اللي يوقف مع خويه = يرتكي له لانشف ريق الشفايا
طيب طيبه والنعم يا حي حيه = جعل يفدونه ضعيفين العنايا
نشهد ان قولت نعم فيهم شويه = والقبايل وافيه فعل ٍ ورايا

مر بالحجاج في عصر آبن أمُيه = واحد ٍ من يام واعجبه وتغايا
قال له من أنت منه قول ليه = قال ِمن َمن لا جبان ولا دنايا
قال إذا ً من يام تباعت نبيه = قلت كفو وهم سريعين الهوايا

يقول ابن هادي جر عقب العشا صوتين =وهو بالسجن موقوف والباب من دونه
ولايالله إنك تنزع الدين وإنك إتعين=وغير الولي يالربع ما نرتجي عونه
ياكون القروم الي بفعل الشبب ضارين=بني (يام) قوم ٍترفع القدر وتصونه
معي ستةٍ من يام في الدين غرامين=لجل (خوة ٍ) بين المناعير مأمونه
سلامي على يام وسلامي على الوافين=هل الموقف اللي يرفع الراس مضمونه
وانا من عبيدة فعل ربعي يشوق العين=ويؤمن بهم حوض المنايا ويردونه
ونطاحة الجمع الكبير اجرب الجنبين=ليا اقبل وقام ابليس يرقص بحاجونه
ولا ياعبيده واقحطان افزعو ذلحين=ترى اهل الوفاء رفيقهم مايخلونه
ولا يبوجابر يايبه جعل فالك زين=ابي فزعتك يا ليث غاب ويعرفونه
اذا قمت في الدعوى ترى كل شي يزين=ولو ان الاسد لشبال بالفعل يكفونه
ولاياعيال العود يااخواني الوافين=ترى مالكم مني عذر وش تقولونه
كبير الخوان إيقوم ويقوم الباقين=ترى الراس ماهو يرتفع غير بمتونه
ولاتصفق اليسرى الوحيده بدون يمين=(وطير ٍ) بلا جنحان لا طار يا هونه
على الله ثم عليكم بشتكي يوم كثر الدين=ورجل ٍ بدون أخوان ما يوفي اديونه
هذا اللي قدرت اقول والي بقى عدين=كلام ٍ صحيح ٍ تسمعونه وتووحونه
وترى عاد عندي غير ذا صوبكم بيتين=وعسى من يظن الجود ماخابت إضنونه
وترى المال يفنى والعمر كلنا دارين=ويبقى الفعل بالزين والشين يطرونه
وترى في المواقف ذي وجيه القروم تبين=ومن شح لا بد ( المناعير ) يقفونه

ليه يا زمن

تبقى وتسلم على الترحيب ياكريم الخصال

وصح بدنك والطيب طيبك والمكان لك وبك وامثالك هي ساس المكان وعمدانه


سلمت على المرور الوافي

الريمي 20009

صح بدنك وترى رد القصيدة زاهب وجاهز لكن في وقته وان شاءالله اطرحه قريب

وهذا بيت من الرد

والله ان حنا معك فـي ذي وذيـه
يام لك في المقديات وفي الخطايا