لأ خانتك دنياك فتش بالاسباب
تلقى السبايب من عمايل يدينك

واحذر تغرك لمعه السن والناب
ومن نفسك احذر لا تلاعب بدينك

منعم من اجلود الحيايا ولا الداب
وبنيابها لا طحت محد يعينك

واحذر تصاحب كل هافي وكذاب
اللي مجالسهم تراها تهينك

ودرب النذاله لا تقربه لوطاب
لو شفت به شي سرق شوف عينك

خلك مع اللي يعرف الله والاحباب
اللي مماشيهم علوم تزينك

والوقت لابده يجيلك بالاعطاب
تلقى تفلت من خبرته يمينك

لا تكثر الشرهه ولا تغلق الباب
ومن جالك بدارك عسى الله يعينك

اخواني الزير سالم وحيادي اشكر مروركم واطرائكم تحياتي لكم جميعا