ما قلت اخذ ما بدالك .. واترك الباقي = قلت اخذني .. واخذ منّي .. ما تهيّالك
الله عطاك الطهر .. والمستوى الراقي = والله سخر كل مافيني لك .. لحالك
حوّلت لك غيمي .. ورعدي .. وبراقي = كم قطرةٍ من غلا .. ما طاحت الا لك
ما عاد باقي سوى اني .. اكشف اوراقي = واجيك من بين ابوك .. وعمك .. وخالك
(ف) ان كان ما همّك احساسي .. وخفّاقي = قلها .. وهات الكلام اللي على بالك
ولا تنشد الناس .. عن ما جمّد اشواقي = ان جابك الشوق والا جيت فـي فالـك
تلقى بعيني .. سبب صمتي .. ودنّاقي = وشموخي المنكسر .. وما إلـى ذلـك
ومن الطبيعي .. اعلّق ساعة فراقـي = على جدار العتب .. من قسوة اعمالك
ولو ينحني راسي .. ولو ينثني ساقـي = مصير الايام .. تخفي ليلـي الحالـك
حسبي على طيبي .. ودماثة اخلاقـي = منها تماديـت باقوالـك .. وبافعالـك
ما كنّك مسيطر .. ومستوطن اعماقي = وما كن لي قلب .. لا ضمّك ولا شالك!

المشاركة الأصلية كتبت بواسطة ناصر الحميداني (المشاركة 1026240) صح لسانه ولسانج ... قصيده رائعه ومميزه جدا... وسلامه ناظري انشالله لك السعاده