ياإلهي !!
((القدس)) ياإلهي وش بقى فينا يشرف ياإلهي ** لا انتصار ولا اعتبار ولا شموخ ولاكرامه اتباعيه وذُل وقل جهد وعذر واهــي ** وانكســارٍ ماعرفنا وش حلاله من حرامه الحقائق والدلائل في زمان الذل هاهي ** واضحه وضوح شمسٍ ماتغشتها غمامه وين صنّاع القرار اهل الأوامر والنواهي ** وش عذر قادات الامه والمناصب والزعامه بعد ماكنّا الأسود اللي بحاضرها تباهي ** كيف صرنا بالحقيقه مثل سالفت النعامه الخطر يحيط فينا والعقل بالغي لاهي ** والله إنا نستحقك يالعقوبه والملامه يومنا نومٍ طويلٍ مابه الا الحلم راهي ** وإن حلمنا ماحلمنا بالفرح والابتسامه وإن بدأ الليل ابتدينا بالملاهي والمقاهي ** ضحك ومزوح وسوالف نسأل الله السلامه والقنوات الفضيعه تعرض انواع المشاهي ** رقص في رقص وتسابق للسفور والوسامه من دعايه في مسلسل في اغنيه في لبس زاهي ** واهتمامٍ بالمظاهر والمراكب والإقامه كيف حتى اعلامنا اصبح في طروحاته يضاهي ** النصارى واليهود وقلّ بالدين اهتمامه والغريب اللي خذاني فعلاً وشد انتباهي ** التبلّد في قضيتنا الأساسيه علامه جيت اذكر كل غافي بالمنام وكل ساهي ** مايرجِّع مجد الامه غصن زيتون وحمامه شوفوا اسرائيل تفتك بالبلاد ام الدواهي ** مالقت فينا رجال ولاجيوووش ولاصررامه اسرفت فينا وصرنا للمقاصل والمطاهي ** واطلقت شارون فينا والجحش صرنا طعامه وكل ماشفت القهر والذل يممت اتجاهي ** يمّة أولى القبلتين وقلت قومي ياقيامه ماتت النخوه وماتت كل بسمه في شفاهي ** ياعرب وين العروبه والحميه والشهامه ياإلهي جيتك ادعو ياإلهي وانت جاهي ** يرجع القدس السليب وتنجلي عنّا الغمامه الشاعر :- محمد بن عبدالله الجلبان تقبلوا تحياتي,, أخوكم فهد |
رد: ياإلهي !!
ياإلهي جيتك ادعو ياإلهي وانت جاهي = يرجع القدس السليب وتنجلي عنّا الغمامه
اللهم امين .. الله يرفع الكرب عن المسلمين .. لاهنت على الابيات المحزنه من واقع مؤلم .. وتسلم يمينك .. |
رد: ياإلهي !!
مشرفتنا العزيزه الفرس اللهم آمين اللهم آمين مشكوررره أختي على هالمرور العطِر وتقبل الله منّا صالح الدعاء دمتي بووود |
رد: ياإلهي !!
الأخ / فهد الذويب
شكرآ للفتك الكريمه لثالث المساجد القدس وصح لسا ن قائلها ...وتقبل مروري الشاكر دمت بخير |
رد: ياإلهي !!
مشرفتنا العزيزة لولين مرررةً أخرى أشكر لكِ مرورك الغير عادي والغير مستغرررب على أمثالك دمتي بووود |
رد: ياإلهي !!
أخوي (( فهد الذويب ))
مبدع دومااا في إختياراتك الله يعطيك العافيه ،، تسلم يمينك دمت بحمى الرحمن تحياتي |
رد: ياإلهي !!
صح لسااااااااااااان شااااااااعرهاااااااا
ولاهنت اخوي فهد على الاختيااااااار الرووووعه |
رد: ياإلهي !!
أختي شيخة الغلا الله يعافيك وهذا من لطفك وطيب أصلك سررت بطلتك التي لا أملك إلا أن أشكرررك عليها دمتي شيخَةً للغلا |
رد: ياإلهي !!
مشرفتنا الحزينه (آهات الحزن) صح بدنك بالنيابة عنه ولاهنتي على مرورك الرائع دمتي بووود |
رد: ياإلهي !!
بيض الله وجه الجلبان ,, على القصيدة السامية ,,, و الله يرجع القدس أولى القبلتين ,, و يرجع حقوق العرب المغتصبة ,,, و بيض الله وجهك اخي فهد على القصيدة و صح لساااااانك و لسااان الجلبان ,, تقبل مروري ,, |
الوقت في المنتدى حسب توقيت جرينتش +3 الساعة الآن 12:20 AM . |
مجالس العجمان الرسمي