التشيك
السلام عليكم ورحمة الله وبركاته اسعد الله اوقاتكم بكل خير .. قبل السفر هذه قصيدة متواضعة استهلها عليكم وآمل ان تنال على رضاكم . . . . . :a36:
ايام معدوده وبرجع ولاقيك=حان السفر ياسلوتي يامناتي ماهي سياحه متجه دولة التشيك=امي مريضه والمرافق ياحاتي وقبل السفر عندي وصايا بوصيك = احفظ عهودي والتزم في وصاتي خلك على ظني مع هقوتي فيك = مع سنين العمر حتى المماتي لاشك لاسافرت ماني بناسيك = متمركزن بالجوف لا لا تحاتي انت الذي بالبال محدن يساويك = وانت الذي بالقلب واسمك غلاتي في شوفتي غمض عيونك وانا اجيك=بتشوفني في نومتك ياغناتي بجيك واقبل عيونك واياديك=لنك عديل الروح شمعة حياتي واضمك لصدري ودمعي يحاكيك=وكلمة احبك رسمها في شفاتي ولاصرت متضايق تبيني اسليك=شف صورتي وتذكرك بلي فاتي ومع السلامه ياوليفي وباتيك=والله يجمعنا بعد ذ الشتاتي وسلامتكم :a36: |
رد: التشيك
ياســلام ياســلام
شاعرنا / مترك العمره ( السهل الممتنع ) مبدع مبدع مبدع لله درّك ، وجدد المتابعه بس :) |
رد: التشيك
الله الله صح لسانك يامتــرك
ومبدع طال عمرك تقبل مروري اخووووك ابونايف الوعيلي |
رد: التشيك
الشاعر مترك العمره
قصيدة جزله وابيات مميزة صح لسانك كل التقدير. |
رد: التشيك
الله الله
يابومحمد صح الله السانك قصيده وافيه من رجال وافي |
رد: التشيك
اقتباس:
الاخت العزيزة/ قضى ليل الهوى طلابه يامرحبا والله ومسهلا سعيد بحضورش العطر .. وتسلمين على هذا الاطراء الجميل وهذا شرف لي .. ومتابعتش تسعدني تحياتي لش وتقديري |
رد: التشيك
صح لسانك اخوي مترك العمره مبدع بكل حالاتك والله يشافي والدتك وجميع مرضى المسلمين يارب تقبل مروري المتواضع |
رد: التشيك
مترك صح الله السانك
|
رد: التشيك
اقتباس:
الاخ العزيز/ ابونايف الوعيلي يامرحبا مليون ولايكفون سعيد بهذه اطلة العطرة .. وصح الله ابدنك .. وتسلم على هذا الاطراء العذب حضورك شرف يالسنافي تحياتي لك وتقديري |
رد: التشيك
اقتباس:
الاخت القديرة/ الغروب سعيد بحضورش المتألق...وصح الله بدنش...شكرا على هذاء الاطراء تحياتي لش وتقديري |
الوقت في المنتدى حسب توقيت جرينتش +3 الساعة الآن 06:17 PM . |
مجالس العجمان الرسمي