خشف ريمٍ مرت تراعـي=لامشـت كـلٍ يراعيـهـا
مشيها غنـج وتهزاعـي=كنهـا تحسـب خطاويهـا
النواعس خرس ووساعي=والهدب لسـود مغطيهـا
والردايف ما لهـا داعـي=والهبوب الصلـف قافيهـا
مزعـت قلبـي تمزاعـي=كل مقفت قمـت أناديهـا
وقبلت والبـرق لماعـي=يصطفق من بين أشافيهـا
تبتسـم وتقـول طماعـي = هالطبيعـة مـا تخليهـا
اصبري يا حدب الضلاعي = يزعلون الناس وأرضيهـا
له عروق الشوق جياعي=والضمى والوجود حاديهـا
ومن عبير الورد ذعذاعي=بالجدايـل يـوم يرخيهـا
أسـودٍ للجيـد مطواعـي=عـن عبايتهـا يكفيـهـا
لو جفون الليل خشاعـي=الثريـا مــن يغطيـهـا
والزبيـدي فـزْ بالقاعـي=مثل روسٍ فـي طواقيهـا
لو صلته الشمس ما ماعي=تحترق شمس الضحى فيها
قربي يا بلسـم أوجاعـي=من جرح نفـسٍ يداويهـا
ما خبرت النفس تنباعـي=بس أبيع النفس واشريهـا
فتنةٍ تمشي على القاعـي=يفطـر الصايـم وينويهـا
لو تطلع روس الأصباعي=يسلم الكافر علي ايديهـا