سلامي على العجمان في وادي العجمان@ سلامٍ ينومس كل عجمي وعرجاني ( ابن جخير ) فيديو
ادخل الرابط v v v حفظ باسم
لاغنيت يبن جخير يامروض القيفان= تحزم بربعك وارفع الصوت بلعاني تحن الرعود ويلتعج بارق الهتان= وتمطر مزون الشعر وتفيض قيفاني اعرف القصايد قاف معنى بحر ووزان= والى جبتها من بدع راسي ووجداني اغني وانا شفقان واكتب وانا شفقان= وراسي لصلفات الطواريق يحداني الى جيت ابركد واتعوذ من الشيطان= تعزوابي الجن المسمى وناداني اسمي وارتل ماتيسر من القران= وبلاي ان معاي جنون وتزود اجناني هل الوقفه اللي فالعيينه وفي كنزان= يسولف بها القاصي ويفخر بها الداني على ذكرهم ركبت صوتي على الالحان= والى من سمعني طيب الراس لاحاني ياراكان ابن سحمان وين انت ياراكان= عليك القصايد تعتزيبي وتنخاني جذبني نباك وجيت وانا وسيع بطان= وذكر الرجال اهل المواجيب يشعاني سلامي عليك امن القريات لا نجران= سلام الغلا من صدري لصدرك الحاني ياشوق الهنوف اخت الستر عزوة الشجعان= اخيها لحاله ينطح القوم وحداني على شانها كنك تسفح بلا جنحان= الى صيحت بسمك وقالت على شاني مزاياك واجد يارفيع القدر والشان= الى جيت اعدد في مزاياك ماامداني زعيم الكرم منصى العرب مقدم الشيخان= وسيع البنايد مكرم الضيف والعاني بعيد النظر تاج الفخر مرهب العدوان=صعوط المجنن مزبن الجيش والجاني يادفع البلا ماكنك الا خشير الجان= تكرع بدم اعداك وتقول مارواني على شانك اسرجت القصيده وانا طربان= عنيت وعنى شعري من اجلك وعناني لو اني اجيد اية لغه غير هذي كان= كتبت ومدحتك بالفرنسي والاسباني مدحتك لحالك من محبه ومن صفطان= ولا ابغي سوى ترديد ياحي ماجاني وصية شنب ماقالها فلان ابن علان= ترى ذي وصية شايبي يوم وصاني عساني فدى اللي عزني لين صرت حصان= وعلى العز وعلوم الرجاجيل رباني ترى حن حزام العز لاشانت الازمان=لا قلنا ترى حنا لها والعمر فاني وقفنا نهار الكون فالصلب والصمان= على الموت نارد مثل ماتارد الساني نبج النحور ونقطع الروس من الامتان=والى من غزينا كلنا اعبر من الثاني لوإنا لحقنا عصر عثمان ابن عفان= بطشنا وجبنا العيد في كل نصراني يوقف شعر راسي على طاري الجدان= واحس ان دمي يطبخ وسط شرياني تراني طبيعي لامحشش ولا سكران= ولكن صميدع راس ولساني حصاني الى من خويت اشفق على دلة الرسلان= والى من نهجت انهج على نهج جداني امثل هل السمرا ليا جيت فالميدان= وعساني على القوه وصح الله لساني اعد الحقايق واكره الزور والبهتان= وببقى على ماقلته ان الله احياني وهذي عوايد صادق القلب والايمان= وعسى الله يثبتني على قوة ايماني واذا مامدحتك وانت راكان ابن سحمان= فلا خير في شعري ولا خير فلحاني واذا كان هتلر شاع ذكره مع الالمان= تراك انت هتلر غير ماجابك الماني |
رد: سلامي على العجمان في وادي العجمان@ سلامٍ ينومس كل عجمي وعرجاني ( ابن جخير ) فيديو
صح لسان ابن جخــــير ولاهنت ياذيب وبيض الله وجهـــــك
|
رد: سلامي على العجمان في وادي العجمان@ سلامٍ ينومس كل عجمي وعرجاني ( ابن جخير ) فيديو
ذيب الوادي الله لا يهينك على المقطع
وصح لسان بن جخير مليون تقبل تحياتي لوإنا لحقنا عصـر عثمـان ابـن عفـان ^^ بطشنا وجبنا العيـد فـي كـل نصرانـي انشهد انه شاعر |
رد: سلامي على العجمان في وادي العجمان@ سلامٍ ينومس كل عجمي وعرجاني ( ابن جخير ) فيديو
لاهنت يا ذيب
بس ما عندك قصيده صوتيته مهب فيديوو الله لايهينك ابيهااا |
رد: سلامي على العجمان في وادي العجمان@ سلامٍ ينومس كل عجمي وعرجاني ( ابن جخير ) فيديو
صح السان ابن جخير وقصيده
قديمه ولاكن تزيد روعتها كل ما قريناها لاهنت على النقل |
رد: سلامي على العجمان في وادي العجمان@ سلامٍ ينومس كل عجمي وعرجاني ( ابن جخير ) فيديو
الله يعطيك العافيه
|
رد: سلامي على العجمان في وادي العجمان@ سلامٍ ينومس كل عجمي وعرجاني ( ابن جخير ) فيديو
وادي العجمان لاهنت على هالعرض الطيب , وصح الله السان الشاعر سالم بن جخير .
|
رد: سلامي على العجمان في وادي العجمان@ سلامٍ ينومس كل عجمي وعرجاني ( ابن جخير ) فيديو
ذيب الوادي
بيض االله وجهك أبن جخير جزل وأبن سمحان كفو ويستاهل وتقبل سلامي واشواقي |
رد: سلامي على العجمان في وادي العجمان@ سلامٍ ينومس كل عجمي وعرجاني ( ابن جخير ) فيديو
لا هنت يا ابن جخير دايم جزل بالقصيد
|
الوقت في المنتدى حسب توقيت جرينتش +3 الساعة الآن 12:56 AM . |
مجالس العجمان الرسمي