عند الموادع دمع عيني غلبني=وطاحت بي الدمعة على كف سلطان
أحب يمنى عمي اللي حشمني=ومن لامني في حب سلطان غلطان
شيخ بالأخلاق الكريمة ملكني=بالمرجلة فارس وبالرحمة إنسان
ومن يزرع المعروف لابد يجني=ومن يفعل الإحسان يجزى بالإحسان
واللي يريد المجد لابد يبني=في قلوب وعقول المخاليق بنيان
أفاخر بعمي على الناس واثني=ويستاهل البيضا سلايل كحيلان
له موقف عند الملمات يثني=سلطان موقف والتجاريب برهان
إلى انتهض يكفي والى مد يغني=والى تكلم كل شي معه لان
والى وعد يوفي والى قال يعني=والى ارتكى للحمل شاله بليهان
بالطيب جاوز كل هقوة وظني=الله يوفقه السعد وين ما كان